4月書叢 謝嫣薇 《消失中的味道》
我一直有個疑問,香港菜到底係咩呢?有人話係茶記、有人話係撚手小炒、有人話係點心燒味……的而且確,如果有外地人嚟香港大家都會去食哩啲。但係,總覺得差咁啲嘢。點心,大家會覺得係廣東廣州嘢;茶記,又好似太過平民;小炒,好似比較雜亂,如同外國人眼中中國菜就係「chop suey」(即雜碎,因為中菜好多係切碎再炒)。香港嘅特色食物,好似離不開平靚正,但到底有冇香港獨有,能登大雅之堂,又唔會同其他中菜撈亂嘅港式美食呢?
今日介紹嘅書由美食專欄作家謝嫣薇所寫,2019年出版嘅《消失中的味道》,可能幫我搵到答案。書中記述廿九道菜,有貼地民間智慧,有巧手刁轉好西,有歷史文化基石,仲有大酒家老闆訪問與手畫圖示意,唔食得都睇得。
因貧窮而變通 但卻不落俗套