你今日食咗早餐未呀？
‘你今日食咗早餐未呀？’ 係繁忙嘅香港，好多香港人嘅早餐都係買一個麵包，仲要係邊行邊食，我都一個愛包之人，所以我多數都係麵包做早餐，再加上一杯醒神飲品，不論是咖啡奶茶或凍檸檬茶，就可以滿足一餐。
現今香港係市面可以買到麵包的款式／種類都有很多很多，例如什麼湯種麵粉，什麼麻薯餡料，什麼果仁包、吞拿魚包 ……，上年係屋企附近開咗間麵包店，佢哋嘅麵包同曲奇餅都好好食，其中有一種叫《貝果》嘅麵包有好多種口味，原味、抹茶、朱古力……每款都是外面煙煙靭靭裏面鬆鬆軟軟，仲有啲口味仲加上麻薯添，口感非常豐富，試過之後就喜歡了這種包啦！ 抹茶麻薯貝果、焙茶麻薯貝果，咬落去煙韌表層後就感覺到啖啖抹茶／焙茶餡料，跟隨有軟糯的麻薯，層次豐富，回味無窮，令我非常開心。
這間麵包店雖然上年先開，但開店不久就巳經好多人幫襯，店面地方唔算大，不果包款同口味都唔少，因此有時要排隊先入到去，但人人都好耐心等買嘢。
麵包，你又喜歡什麼款式什麼味道呢？ 一般茶餐廳的菠蘿油、雞尾包，舊式舖頭的腸仔包、叉燒包，或是新興商店的麻薯包、牛角包定酸種麵包呢？ 但記得要食早餐呀！因為早餐係一日開始，肚空空咁又點會有能量提供動力來處理日常工作呢！