純屬分享-曾經痛苦的自己的內心讀白，唔知你地有冇揾到共鳴的地方？
係呢個世界，我想要的不過是被人認同，可以有一種優越感的自己，我所追求的不過就係呢點。
原來我對真相一直都無興趣，覺醒如同我為左另自己變得神性美好的標籤，我想要的係在呢個世界的遊樂場脫榮而出，做一個自己同其他人睇得起自己的遊戲，我將所謂的覺醒當做變得有能力的做法，不過是繼續希望自己係呢個世界維持著自己的角色，係咁過日子，結婚，生孩子，老去，呢個就係咁無出息的我，一個面目可憎的人，有左得到點咩，為左得到比喻為人生贏家的自己，我放左幾多心血落去？
我扮演著一個類似善良又靈性的人，扮到幾時，真相係咩？點解我要繼續落去，點解我會咁唔想揾到真相，明明所有野都係虛假，但係我眼中卻實在得不能再真了，好討厭這樣的自己，好虛偽，好自滿，好可笑，好似戴著個面具做人，仲要演到自己好逼真，自己相信，世人都相信。
我心底都有想要真相，但係我真係想要？所有野我都想維持原狀，我缺乏跨出去的勇氣，每個人拼命地戴面具，我都唔例外，仲要唔覺得累。
可悲的自己，明明傷得筋疲力盡，但我就係都要留低，所有人戴上面具，我竟然無識破，甚至覺得開心，我的年齡可以話係得個幾歲吧。
我對自己好生氣，我對自己的盲目，無知，浸淫係呢個所謂多姿多采的世界，仲有幾耐先醒？甚至自己幾時先發現自己的虛偽，厭倦自己的面具，厭倦呢個世界比我既知識。