談起香港人的一大特徵，毫無疑問其中一個答案必是相機食先。隨著互聯網的興起，每個人都有機會成為KOL或foodie，並在社交媒體上展示自己的飲食體驗。為了吸引更多關注，高質量的照片、構圖、內容和排版變得不可或缺。一些網紅甚至會花費半小時以上的時間擺設食物，只為了拍攝一張完美的照片。雖然我們理解照片對於經營社交媒體帳戶的重要性，但是我們是否真的尊重了廚師和食物呢？
在日本，有一些餐廳張貼告示，希望客人能專注於剛剛煮好的食物，而不是沉迷於手機或拍照。這並不是限制客人的自由，而是希望他們能及時品嚐到美味。像拉麵、天婦羅等食物一旦上桌，就需要盡快享用，否則美味將隨著時間流逝而逐漸消失。
我個人完全贊同即時進食是對廚師的尊重，同時作為一個食評家，我也需要拍照。因此，我會僅花30秒的時間拍照，然後立即開始享用，以確保品嚐到最新鮮的美味。在享受美食的同時，我們應該保持對廚師和食物的尊重。拍照是一種方式，讓我們能夠分享和回味這些美好的瞬間，但我們不能忽略了食物的本質和廚師的用心。讓我們保持平衡，用心品味每一道美食，同時也欣賞並尊重那些為我們帶來美味的廚師們。
近日有兩名foodie於同一日不約而同地寫了同一間餐廳的食評，可評語卻十分兩極，引起一時熱話。作為一個清泉foodie，今日想同大家討論下咩叫真正嘅foodie，利申：個人見解，歡迎討論。
Foodie，Google 翻譯美食家，現泛指吃貨（愛好美食之人）。美食，人人喜愛。但誰又是真正懂吃的人呢？各位若有看過周星馳的食神的話，美食家的嘴不應當是食神一樣，能準確吃出食物的味道、調味、料理手法，甚或是缺陷嗎？試問現今社交平台上有幾多位可以做到？
互聯網的興起令人人都可以成為foodie，在城市中穿梭，為大眾尋找「隱世美食」，介紹打卡餐廳或名店。正所謂「樹大有枯枝」，foodie除了介紹推薦的餐廳外，不應該還要有一條令人信服的金舌頭嗎？所謂品味，理應細細品，淡淡味。只有細緻地感受食物，才可品出其珍饈之處。何以foodie現今卻成了廣告下的產物，更以主觀的個人口味來斷定食物的水平？美食家，真的存在嗎？
話說上星期又放連假，本身打算五一假去行個靚山，點知睇天氣預報見到會大風大雨（事實都真係），所以改早咗一日去行🤣 唔行唔知身體差，想當年K小姐都行得小快，而家到人哋要等返我轉頭🥲真係要認真做返運動了！
好！水就吹完喇！講返啲嘢食先！
一落山同行朋友就問我食咩好，我二話不說就拖住佢狗衝去白鬚💨 事關K小姐醉噯東南亞菜，所以白鬚真係正合我意❤️
牛骨湯飯嚟講呢，大大碗一定夠食！大約有五六舊大牛骨，仲有四五塊頗厚嘅牛腩，肥瘦適中！食肉之餘仲可以損埋啲骨，吸埋入面嘅精華！店家仲提供埋自家製大埔椒辣椒油，可以點牛腩食，頓時會有種食緊潮洲粉面嘅感覺！湯底清清地，唔算太濃。不過淨飲的話唔會覺得口渴，真材實料！
白鬚烤牛丸嚟講呢，令我有驚喜喎！一上枱，一食，嘩，超熱！學朋友話齋口腔三級燒傷😂證明真係即叫即烤，好夠熱度🔥牛丸係一口Size，但我刻意咬開中間望望，見到入面係一絲絲嘅牛肉，香而鬆軟！外層有BBQ汁，已經有足夠甜味，建議唔使點辣醬，直接食都已經好好食✨
之前試過晚市坐樓上仲會播戲的，環境不錯，期望下次再食的話可以坐下樓上梳化位，同埋甜品🍮下次入西貢，記住狗衝去白鬚喇😘
忠告：
肥是要減的，動是要運的，嘢是要食的！
有好嘢食，記住話我知😘
咁耐冇寫食評，大家可有想起K小姐嘛？
冇都唔緊要，今日想同大家介紹我嘅大愛！海南雞飯！
先講雞，第一啖入口感覺啖啖肉已經超級滿足！加上肉質超嫩滑，食完成盒基本上冇一舊係特別鞋口，係值得加分嘅位！有時食雞飯會怕肥Lur走雞皮，但呢個唔會😍因為雞皮係可以用「爽脆」去形容啊！皮同肉中間有一層啫喱，而呢層啫喱就係膠原蛋白BB喇🥰 講真嘅，好食到跳舞💃🏼
再講豬手飯，呢個飯簡單係食得出驚喜啊！一入口，WHAT！啲皮太淋了吧！係軟綿綿der感覺！Crazy！而肉質當然都係好夠嫩，仲有酸菜畀你開下胃，食得多肉又唔怕膩！驚喜之作！
重點係：
呢個價錢，咁大盒飯，淨係呢一點都不思考即狗衝去食！
忠告：
肥是要減的，動是要運的，嘢是要食的！
有好嘢食，記住話我知😘
地：新蒲崗大有街萬星工業大廈地下C2號鋪 @thai_appetizing
食：招牌海南雞飯、豬手飯、冬陰功湯
琴日去咗鑽石山地鐵站荷里活廣場嘅Tamago-En
喺現場糖食嗌咗$88嘅疏乎厘班戟
首先講吓餐廳嘅環境
餐廳環境寧靜，偶有背景音樂
餐廳嘅地理位置非常之方便，一出鑽石山地鐵站就係荷里活廣場
荷里活廣場再上電梯就係Tamago-En
接住落嚟我會想講一下食物嘅質素
我認為呢一份疏乎厘班戟係物超所值
班戟非常之軟身，而且有非常之濃嘅蛋味
形容一下班戟嘅質感—
佢中間係含有非常之多空氣
係非常之鬆軟嘅一種班戟
唯一缺點就係食完好似一陣風咁樣
因為佢嘅材料非常之輕身
所以某程度上食完都係唔夠飽嘅
然而我會話佢嘅甜度恰到好處
佢唔係嗰種死甜，而係有蛋味同埋麵粉味糅合埋一齊嘅甜味
每一啖都好似一個新發現，每食一啖都好似升咗上天堂咁樣
但相對嘅缺點就係當食完成份疏乎厘，就好似跌返落凡間咁樣
好似有一個夢醒返咁樣
近年來，Foodie這個Term越來越普及，人人都能在社交平台上自稱Foodie分享食物，當中有些是真心分享各區橫街雜巷的美食，有些卻三五七時就強調歡迎餐廳聯絡試食或合作。這個興趣，又或是職業，我表示理解並尊重，如果她們也能尊重食物、尊重餐廳。
幾年前在一家麵店打工，有位自稱Foodie的顧客來吃麵，捧著單反相機左拍右拍，拍了大半個小時。原本熱乎乎的湯都變冷了，麵條也發漲了，然後她吃了一口麵就付帳離開。幾個小時後老闆打開IG，發現剛才那個Foodie在IG上給了個劣評，說敝店食物質素不佳等等。當時我年少氣盛，十分憤怒，因為她的食評並不公平公正。這大概是不尊重食物的表現。
近日在餐廳又看見兩個女孩叫了一桌子的食物，不停拍照，然後示意侍應過去，說食物都冷了要求更換。那時正值餐廳繁忙時間，侍應無奈說不，兩個女孩有些微言，沒有離開，卻也沒有進食，只是在閒話家常，述說著天南地北。我不知道她們最後談了多久，只知道她們必定知道門外有很多人在等位。這除了是不尊重食物，大概也是不不尊重餐廳的表現。