人生第一次上梨木樹 // 雲南小鍋米線

久仰呢間米線嘅大名，終於有機會上嚟石蔭，梗係要食下呢間 #雲南小鍋米線 👻

雞絲嚟講呢，一早都知佢好好食。我先單食咗一啖，發現佢係甜甜地嘅，然後下一啖再浸湯食，發現係更加出色啊✨不過令我最有驚喜嘅，反而係腩肉！

腩肉嚟講呢，當時一食落去，我眼睛真係發亮✨原來腩肉，可以係食落甜甜地、超入味㗎！相信佢未上碗之前，應該喺一盤汁入面游咗好耐👙btw 腩肉仔們仲要肥瘦適中唔會嚡，成碗最好食就係呢個💕 #不誇張

螺旋藻嚟講呢，首先K小姐本身已經好鍾意食紫菜海帶類嘅嘢，所以難得地見到米線有螺旋藻真係超開心，唔使諗，即嗌！然後果然不出我所料，螺旋藻嘅鮮味會順帶埋落辣湯度，所以飲一啖湯係會Feel到又辣又鮮，是Ocean der 感覺🌊

米線嚟講呢，係好彈好滑嘅！湯底都好好飲，如果再麻多少少就仲正。重點：成碗米線由上枱到食完一刻都仲標緊煙，超勁！

忠告：
肥是要減的，動是要運的，嘢是要食的！
有好嘢食，記住話我知😘

時：約完梨木樹街坊交收行山鞋之後
地：葵涌梨木道112號 雲南小鍋米線
食：皇牌米線 小辣 加Zero