食評

久仰呢間米線嘅大名，終於有機會上嚟石蔭，梗係要食下呢間 #雲南小鍋米線 👻

雞絲嚟講呢，一早都知佢好好食。我先單食咗一啖，發現佢係甜甜地嘅，然後下一啖再浸湯食，發現係更加出色啊✨不過令我最有驚喜嘅，反而係腩肉！

腩肉嚟講呢，當時一食落去，我眼睛真係發亮✨原來腩肉，可以係食落甜甜地、超入味㗎！相信佢未上碗之前，應該喺一盤汁入面游咗好耐👙btw 腩肉仔們仲要肥瘦適中唔會嚡，成碗最好食就係呢個💕 #不誇張

話說上星期又放連假，本身打算五一假去行個靚山，點知睇天氣預報見到會大風大雨（事實都真係），所以改早咗一日去行🤣 唔行唔知身體差，想當年K小姐都行得小快，而家到人哋要等返我轉頭🥲真係要認真做返運動了！

好！水就吹完喇！講返啲嘢食先！
一落山同行朋友就問我食咩好，我二話不說就拖住佢狗衝去白鬚💨 事關K小姐醉噯東南亞菜，所以白鬚真係正合我意❤️

牛骨湯飯嚟講呢，大大碗一定夠食！大約有五六舊大牛骨，仲有四五塊頗厚嘅牛腩，肥瘦適中！食肉之餘仲可以損埋啲骨，吸埋入面嘅精華！店家仲提供埋自家製大埔椒辣椒油，可以點牛腩食，頓時會有種食緊潮洲粉面嘅感覺！湯底清清地，唔算太濃。不過淨飲的話唔會覺得口渴，真材實料！

白鬚烤牛丸嚟講呢，令我有驚喜喎！一上枱，一食，嘩，超熱！學朋友話齋口腔三級燒傷😂證明真係即叫即烤，好夠熱度🔥牛丸係一口Size，但我刻意咬開中間望望，見到入面係一絲絲嘅牛肉，香而鬆軟！外層有BBQ汁，已經有足夠甜味，建議唔使點辣醬，直接食都已經好好食✨

之前試過晚市坐樓上仲會播戲的，環境不錯，期望下次再食的話可以坐下樓上梳化位，同埋甜品🍮下次入西貢，記住狗衝去白鬚喇😘

忠告：
肥是要減的，動是要運的，嘢是要食的！
有好嘢食，記住話我知😘

咁耐冇寫食評，大家可有想起K小姐嘛？
冇都唔緊要，今日想同大家介紹我嘅大愛！海南雞飯！

先講雞，第一啖入口感覺啖啖肉已經超級滿足！加上肉質超嫩滑，食完成盒基本上冇一舊係特別鞋口，係值得加分嘅位！有時食雞飯會怕肥Lur走雞皮，但呢個唔會😍因為雞皮係可以用「爽脆」去形容啊！皮同肉中間有一層啫喱，而呢層啫喱就係膠原蛋白BB喇🥰 講真嘅，好食到跳舞💃🏼

再講豬手飯，呢個飯簡單係食得出驚喜啊！一入口，WHAT！啲皮太淋了吧！係軟綿綿der感覺！Crazy！而肉質當然都係好夠嫩，仲有酸菜畀你開下胃，食得多肉又唔怕膩！驚喜之作！

重點係：
呢個價錢，咁大盒飯，淨係呢一點都不思考即狗衝去食！

忠告：
肥是要減的，動是要運的，嘢是要食的！
有好嘢食，記住話我知😘

地：新蒲崗大有街萬星工業大廈地下C2號鋪 @thai_appetizing
食：招牌海南雞飯、豬手飯、冬陰功湯