黑白財務 （第一集）
【黑白財務 1】
[以下內容實屬虛構 如有雷同 敬請原諒]
小弟加入財務業界於九十年代，（為何小弟叫財務業界小字典）外面好多話“雜魚”財務業界代表幫人搵生意，有比錢或好友就財務一線，其他就三四線，唔好相信，什麼一線二線都唔識分，做我們財務辛苦的有誰共鳴！請問曾幾何時你夠膽告知身邊的親朋戚友，因九十年代當一聽到你係做財務公司，就聯想起， 嘩！....“大耳窿”“黑社會”“9出13歸”“迫娘為娼”“賣落火坑” ....“你小心生仔無pat pat”尤其是當年九十年代電視，電影，配合例如 “古惑仔” “收數王”“借錢專家”“大耳窿”........ 壞事做盡，橋段內容都係無個好人，活生生例子。到了二十一世紀，現在試問大家一下，你身為業界持分者，對於不是我們這行的家人，朋友，女朋友及外父外母，親朋戚友等等，你夠膽會說（我係做財仔）或是（我做物業按揭）還是（金融信貸機構）種種掩飾都為了逃避你係做財務公司的。這是自己都不敢面對的事，就算你夠膽講我做財仔的，其後他人就聯想起借你錢唔還，嘩！淋紅油，鐵鏈，膠水塞鎖匙窿，打人，賣人落火坑喎！突然靜止場面，又會有人說邊個邊個，比你D D人迫死，還要貼街招添。
[反黑SIR一聲震怒]
