HKESE 自由作家專欄

倒 數

政府的海洋公園記招會又一次印証了：倒錢落「海」！

接著下來的是：「倒數」幾時關門？

好簡單開放入場，個個入去「打張卡」就走，又冇海豚表演、又冇特色必玩項目，有幾多人會再花錢去坐登山纜車、笨豬跳呢？

單靠逐項活動收費？唔好講預備新借的：54億，就算「舊債」到2059年都還唔清！

全世界的主題公園都係「一票到底」，「相金先惠」話之你玩唔玩，才會有固定收入去支撐各類開支。

要搞生態、搞環保、保育，好多郊野公園例如獅子會自然教育徑等可以做，駛乜咁多錢請咁多「能人」去度橋唸計？

若失去了「主題公園」咁同入維多利亞公園有乜分別？

既然無「旅遊景點」？唔通叫遊客入嚟幫手「種樹、除草」嗎？

外判仲大鑊，商家唔算死草至奇，無錢賺會唸計同你搞「旅遊」？

之前把海洋公園搞到有聲有色賺到錢的人踢走，換上啲「能人」搞到今天的唔湯唔水，咁仲要「苟且偷生」，達官x人們不如及早「懸樑自盡」以謝天下好啦，仲撥乜嘢款呀？

煒哥學下你老爸點樣「空手入白刃」點樣「蛇吞象」的財技啦？

事到如今講多都冇用，因為「能人」當道，及早「完成使命」「壽終正寢」吧？

我很喜歡寫作

中學時最喜愛就是作文堂

我不喜歡寫大綱 靈感來了就寫甚麼

「描寫得很好 各位同學可以參考一下」老師經常拿著我的作文這樣說

但去到考試時就另一回事

「失了水準了 怎麼回事」 又來了

我也不知道呀 一個半小時要作好一篇文

看著身邊的同學振筆疾書 加了一張又一張紙

得到高分的同學 拿著他們從有名補習社來的「天書」

「正常發揮而已!」十分自信地說著

失了水準 是我的錯嗎?

敷衍了老師的關心 拒絕了同學遞來的天書

我仍喜歡作文

很喜歡。