好多時聽啲Slash或者做唔同Freelance嘅朋友，向我大吐苦水，話屋企人經常畀說話自己聽，例如「好心就正正經經搵份長工做啦」、「百足咁多爪，你做得邊樣？」、「收入又唔穩定，炒埋都未夠一碟」之類極mean嘅說話。
其實，做得Freelance，係咪真係將收入擺喺第一位？要搵錢，相信離唔開金融行業。地產、保險、銀行呢啲咁搵得，其他行業係咪冇存在價值？
我覺得，睇唔起做Freelance或者Slash嘅人，對佢哋存在太多誤解。做Freelance嘅人，所負責嘅嘢隨時比打長工嘅仲要多，例如你做Sales，你每日都係執吓貨，搵吓客，做Closing，最多做埋收銀等等，但Freelancer日常已經要裝備自己，十八般武藝樣樣要識，平日唔幫自己增值，點樣有工作機會？
其次，邊個話Freelance搵唔到食？我公司有Freelance，做緊幾份工，就係唔鐘意齋打死一份，日日朝九晚六坐喺度扮工，加埋加埋收入比我呢份長工仲要多！只要本身有料，自己Deal每單Job個價錢可以幾何級數咁跳！
經常有人說香港電影業毫無出路，是夕陽行業，但仍然有不少年輕人深信電影的魅力，即使要靠兼職維持生活，都繼續在電影路上走。
電影聲音系出身的梁子，曾修讀編劇，現時並沒有穩定全職工作，沒有特定工作地點，是一名自由身工作者，涉獵行業包括編劇學徒，網媒導演及小編，收音師以及時裝售貨員。主要的工作是為新開專頁作人物專訪故事製作，報導特別的香港故事，也有為大型電視台的綜藝節目編寫講稿。
梁子回憶說曾經她也是追求穩定的人，畢業後當上了HK01記者，卻發現十分不適合，短短一個月便離職。當時工作環境局限於Office，而且同組大部份為fresh grad，學習的事物不太廣闊，漸漸意識到自己不能這樣下去，當時的她對自己說：「人生很短青春更短，何解不出去試一試？」於是開展她的Slasher生涯。
Winncie認為現在雖然收入低但最快樂，如果戶口結餘不是零，她都會繼續揀設計。
在香港做設計，有苦自知，因為「客戶大過天」，設計師根本無SAY。設計師謝詠詩（Winncie）睇通一切後，一年前選擇離開收入穩定的全職設計師工作，轉為自由工作者，人工大減至初入行的水平，但她卻心甘命抵，因為她可以「揀job做」，這種自由及快樂，絕對是用錢也買不到。
二十六歲的Winncie畢業後做過三份全職工作，隨着年資愈長，薪金亦有所增長，只可惜設計往往自主權有限，令她一直想放棄。直至遇上另一有夢想的年輕人，她決定用設計幫助他實現夢想，也讓她重拾設計初衷，「除非食都無得食，唔係我一定揀夢想」。
自由工作者的職場形態，未來會愈見普遍。
在瞬息萬變的大時代，只要慢人一拍，隨時會被淘汰。但有危就有機，有人選擇創業做老闆；有人選擇跳出刻板辦公室生活，做全職自由工作者（Freelancer），自己揀job揀老闆。事實上，世界各地的自由工作者數目不斷增加，電腦公司Intuit研究預計，到了2020年，美國會有超過四成職位屬自由工作性質。歐洲地區如英國及荷蘭，自由工作者亦佔總就業人口的15%，且見有持續增長趨勢。
在香港，昔日講Freelance，多數是全職打工仔的「秘撈」。時至今日，互聯網的發達，造就了在家工作（Home office）環境。自由工作者可以揀有興趣的工作，老闆們又可用較低成本（慳回辦公場地租金、醫療福利等）請人。
現時Freelance工種也不少，包括媒體行業如寫作、編輯、設計、翻譯，以及各種語文及興趣班導師等例子。不少打工仔或對自由工作者抱有憧憬，例如是想工作時才工作、不用看老闆面色等。實情是一年365日隨時要開工，一人分身N角，老闆們的要求分分鐘比對自己下屬的更高、更過分。