明明做呢樣又話有效，點解做極都無效果？其實你講緊嘅效果到底係乜？
香港人最鍾意聽「口碑」。朋友話「呢間茶餐廳好食」，你就衝去食，結果發覺個菠蘿包根本唔合你口味，但人哋出名係食焗豬扒飯；媽媽 group 入面話「呢隻精華超有效」，你買返嚟搽，發覺塊面同以前冇分別，因為人哋係美白，你本身就白到雪咁白，咁點會有效？
做運動都係一樣。你聽到人哋話「呢個運動超有效」，就諗住要跟住做。但你有冇諗過，人哋講嘅「有效」係乜？同你心入面想要嘅「效果」，可能根本唔同。
好似走入茶餐廳，問侍應：「有咩好食？」佢答：「焗豬扒飯！」但你心諗，其實自己係想食碗雲吞麵。咁最後你梗係會覺得——冇效果啦。
瑜珈老師口中嘅「效果」
瑜珈老師成日講「放鬆」、「伸展」、「打開胸口」。佢口中嘅「有效」，意思係你條筋越嚟越軟，動作幅度越嚟越大。
運動科學上，呢啲係柔韌性同關節活動幅度嘅提升。對成日坐office、膊頭硬到郁唔到嘅人嚟講，呢個效果好實際，拉筋拉得鬆，唔易受傷。
但如果你心底想要嘅係「大隻、夠力」，例如臂彎曲要練到成隻叉燒咁粗，咁瑜珈老師口中嘅「有效」同你想要嘅「效果」根本唔同。你會覺得：「我拉咗半年，點解仲係舉唔起啲鐵？」——因為你本身就唔係練緊呢樣嘢。
一方面除了可以有白開水以外的選擇之外，另一方面也能攝取補充體力的健康飲品,那就是在網路上