【西遊記｜旅遊知識篇 】
♦️地理
西班牙（España）位於歐洲嘅西南部嘅伊比利亞半島，西邊毗鄰葡萄牙，東北接壤法國，而最南端可以遠眺北非嘅摩洛哥，中間相隔住直布羅陀海峽，係連接北大西洋同地中海嘅重要航道。
♦️氣候
西班牙南北邊各有唔同氣候，北邊較潮濕，平均氣溫較低；中部同南邊較乾噪，氣溫較高。
夏季嘅北部氣溫較溫和，通常最高溫大概30度；但係中部同南部就誇張啲，近年夏季最高溫甚至高達50度！
冬季嚟講，喺最凍嘅12月1月，北邊有機會落雪，但係南部就通常唔會。而南部一年四季嘅濕度都非常低，降雨量少，係典型又熱又乾燥嘅地方。
♦️飛行時間
由亞洲東邊嘅香港飛到歐洲西邊嘅西班牙，直航需時大概係15hr。但係而家暫時兩邊係冇直航往返嘅，所以任何航班基本上都至少要轉機一次，而需時亦都會去到20hr左右。
♦️ 國旗：「血與金」 🇪🇸
西班牙國旗由紅黃紅三條橫間組成，又被稱為「血與金」，背後原因一直都有唔同解讀，其中一個就認為紅色代表住鬥牛士流過嘅血，而黃色就係鬥牛場上嘅泥土。同時，國旗偏左邊亦都展示咗西班牙嘅國徽，當中包含住歷史上構成西班牙嘅王國徽章同埋其他部件，以下就同大家逐一解讀：
🔸Reino de León 萊昂王國