去歐洲旅行預左主要係食麵包同飲tap water
知道天氣會凍，所以都帶定個暖水壺
但係孭左樽水3,4日，覺得好鬼重
好快就放棄左無帶出街啦......
就因為咁多左入超市買cheap cheap 熱咖啡保暖
講真，香港7仔咖啡真係性價比好高🤭
而成個旅程，我背囊都常備麵包，
以防附近買唔到野食，都仲有個包填下肚
不過，去到最尾果1,2日
真心頂唔住，已經唔想再食包啦！
到左最後一個主要景點，
我好爽快地就將袋入面食剩嘅麵包餵鴨！🤗🤗
d 鴨食一世麵包都唔厭，仲鬼咁興奮
多得朋友仔女讓我知，平時weekend 最佳節目就係餵鴨
姨姨都覺得有閒情逸致係度餵鴨好幸福😛
去法國旅行，
係咪suppose都要買番個名牌袋呢..
我就唔係好識欣賞果d 大brand design
更加唔想企定定咁排隊..
但係，我都有加插買包包環節嘅🤭
搭地鐵轉線好迂迴咁去到間鋪
點知去到要排隊，仲有成大個保安棟係度。
入到去即刻自我感覺良好，
因為有得同一眾外藉美女一齊揀袋買袋
佢地仲好好心幫我拎左最高果格嘅袋俾我睇
唔夠高真係成日都遇到人幫忙呢
呢幾日見到皇妃Kate出席活動, 又高貴又靚女..
就諗起係佢用呢個brand, 令到呢個brand 咁紅
希望我用呢個袋，都多左1% 嘅高貴同靚女啦🤣
究竟氣質係點培養出黎嫁呢？......
any肥，開開心心咁用個袋，個人實會醒神d 嘅😊
係hostel 入面聽到有鼻寒聲好正常
但係有個訓我上格床嘅友仔
夜晚起碼有3,4次發開口夢鬧人
聽落似係法文(我亂估)
而且仲有幾次‘’翻騰‘’咁郁動
唔知以為佢跳過格離床再跳返番返黎😏
而我同一時間不斷係度乾咳
果下有d淆底...係咪我擾人清夢？
佢係咪用法文鬧緊我😂😂聽朝會唔會鬧爆我
有人朝早係房講電話,佢係會出聲叫人出去講
帶少少霸氣嘅口吻......
其實我都唔明, 遇親的黑人roommate都係勁鍾意講電話lol😅😅😅
第二朝我食完早餐返房整野,
條友沖完涼出黎,衫都未著好, 就開口問...
佢話我咳, 係咪not feeling well...
我就梗係順便話唔好意思嘈親佢...
佢都好客氣回番我,話我都唔想嘅...
我咁友善，佢都對我好友善😛
過多的‘補腦‘，容易讓自己陷入焦慮當中
提自己少d 小劇場吧！
遇到佢真係好過遇到古龍水大叔十萬倍🤩