<<零碎小事>>餵鴨~~~

去歐洲旅行預左主要係食麵包同飲tap water
知道天氣會凍，所以都帶定個暖水壺
但係孭左樽水3,4日，覺得好鬼重
好快就放棄左無帶出街啦......
就因為咁多左入超市買cheap cheap 熱咖啡保暖
講真，香港7仔咖啡真係性價比好高🤭

而成個旅程，我背囊都常備麵包，
以防附近買唔到野食，都仲有個包填下肚
不過，去到最尾果1,2日
真心頂唔住，已經唔想再食包啦！
到左最後一個主要景點，
我好爽快地就將袋入面食剩嘅麵包餵鴨！🤗🤗
d 鴨食一世麵包都唔厭，仲鬼咁興奮

多得朋友仔女讓我知，平時weekend 最佳節目就係餵鴨
姨姨都覺得有閒情逸致係度餵鴨好幸福😛