港女

港女去旅遊當然要影靚相啦！除咗為每次嘅旅行留下美好嘅回憶之外，仲可以為青春留下倩影。去到日本，相信大家都會著返套和服，到日本嘅每個角落都影下相。就好似嗰篇潮文咁：「千祈唔好畀女友著和服！因為佢會覺得自己好靚 ...」每個女仔一著起和服都會發晒癲，立即激發晒身上全部嘅港女細胞，不停係咁影影影，一日幾千張相完全係有可能！所以今日就教你，點先可以影到靚靚嘅和服美照啦！

1. 低炒角度
去到日本玩，每個旅遊景點都好多遊客。隨便影張相，唔仔細搵根本無可能搵到自己嘅身影，只會影到一堆人山人海嘅畫面。當聚會嘅時候，show啲旅行俾親朋好友睇，仲要攞隻手指指住自己，話俾人知：「呢個咪我囉！」為咗逼免呢類型嘅尷尬情況，一於就低炒啦！一來可以清晰影到自己，完全避開晒其他嘅遊客，二來仲可以影到一啲較高嘅景物全景呢！