海底輪

2021年9月開始，每3個月到6個月左右，就會搵MOMO check 下自己既七輪狀況。直至目前為止(2023年10月) 睇番紀錄，原來我都check 過大約6至7次左右。七輪既每一輪都代表人生各個面向(由最底數上去第一輪為海底輪代表安全感、貼地；第二輪為臍輪代表性與慾望；第三輪為太陽神經叢代表自信與力量；第四輪為心輪代表愛與被愛；第五輪為喉輪代表表達與溝通；第六輪為眉心輪代表直覺與靈感而第七輪則代表宇宙智慧)。

我幾鐘意搵MOMO幫我check 七輪狀況，因為可以check 到自己人生各方面既能量狀態。每次有結果之後，我都會回顧一下自己呢幾個月黎做過啲乜導致目前既結果，然後又會聽下MOMO既建議，佢會話你知如何透過自己行為上既改變或者戴相關水晶改善自身能量水平。