七輪測試的感想

2021年9月開始，每3個月到6個月左右，就會搵MOMO check 下自己既七輪狀況。直至目前為止(2023年10月) 睇番紀錄，原來我都check 過大約6至7次左右。七輪既每一輪都代表人生各個面向(由最底數上去第一輪為海底輪代表安全感、貼地；第二輪為臍輪代表性與慾望；第三輪為太陽神經叢代表自信與力量；第四輪為心輪代表愛與被愛；第五輪為喉輪代表表達與溝通；第六輪為眉心輪代表直覺與靈感而第七輪則代表宇宙智慧)。

我幾鐘意搵MOMO幫我check 七輪狀況，因為可以check 到自己人生各方面既能量狀態。每次有結果之後，我都會回顧一下自己呢幾個月黎做過啲乜導致目前既結果，然後又會聽下MOMO既建議，佢會話你知如何透過自己行為上既改變或者戴相關水晶改善自身能量水平。

喺2021年9月同2022年1月時我嘅海底輪分別係(0-20分)同(20-40分)，而喺2022的4月份我既海底輪分數由(20-40分)飆升到(90-100分)，點解我既海底輪分數會有咁大變化? 說來話長，哈哈。簡單黎講就係我由一個離地既人變成貼地既人；由不吃人間煙火既天使走入人群，了解香港發生既事、每一日既天氣狀況、呢期流行乜野、YUU點樣儲分、CHANNEL 同Gucci既價值係邊度同Openrice有咩好西吃，海底輪既分數就會慢慢提高。

講完物質層面，不如講下愛情。主宰愛與被愛既心輪，我大部分時間(2021-2022年) 都係大約40-60分左右，不算高也不算低的分數。愛係乜野? 講真細個真係唔係好識。對上一次既失戀我從前男友身上學識少少。我係今年2023年3月失戀，3月22號去搵MOMO check check，我心輪下跌到0-20分(呢一下都已經證明到七輪測試有佢既可靠性)，2個月之後，我既心輪飆升到80-100分，而早幾日10月份Check，我都有70-80分。整體黎講，愛與被愛呢個課題，我認為自己升左LV。從我吃早餐既表情，對方就知道我鐘意吃熟蛋，而唔係半生熟，我無講過，佢都知；見到我用櫻花味TEMPO紙巾，當我地去超市買日用品個時，就會買櫻花味既沐浴露，愛係咩呢？或者就係設身處地了解對方既需要吧。

七輪測試係一個好好既工具檢測自身目前能量狀態，佢就好似一張成績表咁，睇下你人生各科攞幾多分，而MOMO就係我地既老師，引導你睇自身既好與唔好，給予建議，讓你成為更好。謝謝MOMO，謝謝我自己❤️❤️❤️