放養狗

 

花花︰「又一日新開始啦！」﹙花花伸一伸懶腰﹚

「尋晚發咗個怪夢，有人俾咗好多好多嘢食我哋呀，個個都食到好飽！」

花花︰「唔知今日去邊道玩好呢？Mimi？小黑隊長？」

小黑隊長︰「我想繼續瞓，尋晚成晚巡邏都未瞓夠。」

Mimi︰「我想等『媽媽爸爸』落樓，可能會有嘢食！」

小黑隊長︰「佢哋都唔係你真嘅爸爸媽媽！」

Mimi︰「我當係㗎啦！」

花花︰「正一為食鬼！」

花花︰「唔好嘈住，曲架哥哥出緊嚟！」﹙花花嘅電動尾搖過不停﹚

Mimi亦不甘視弱，用佢最快嘅速度跑過去。

曲架哥哥︰「狗狗、狗狗，你哋好精神喎！我要返工啦，拜拜。」

花花︰「Mimi你睇，二樓大姊姊都落樓啦，我哋過去睇吓。」

花花、Mimi︰「早晨呀！大姊姊！」﹙花花同Mimi向大姊姊鞠躬講早晨﹚