出去玩水就唔怕中暑？首先要搞清楚中暑系乜嘢一回事啊

系热天做运动，又或者系户外工作，其中最大既敌人就系天气。近排热既天气多咗，唔少人就谂住去游水消暑，但系又有无谂过，其实就系身处系玩水既地方，一样都有中暑既风险，甚至风险系更高呢？

话说回头，中暑本身系啲乜？

中暑，简单嚟讲就系人体对于天气既既反应，反应唔到，出现失调既情况，即系假设你个人系一部电话，依家你部电话热得济，咁就会用唔到。

实际上，人体面对热既情况，就会尝试透过自己既机制去保护自己，令你个人唔会咁热，等你可以维持运作等等。电脑如果热，部风扇就会郁大力啲，郁快啲，令温度降低，所以电脑如果热个阵，你会明显听到风扇声快咗响咗。但人体自己无风扇，咁点算呢？人体就会透过呼吸同排汗，从而降低自己体内既温度，等个人仲可以运作。

而同中暑相关既问题亦都系咁样出现。

首先你个人热，就会透过呼吸同排汗机制去降温。咁你个人越嚟越热，就会加速呼吸同排汗，正如电脑部风扇一样。问题系，呼吸同排汗过快过多，同样都系会令你生命有危险既情况。

呼吸过急既话，其实抖唔到气既表现，而人体功能系需要氧气去运作，当呼吸急促，即系氧气不足，咁就会令个人更难去运作，最明显影响就系头晕头痛。所以热到个人觉得头痛，其实都可能会连带住头晕出现，呢个时候就需要休息一下啦。

而出汗过多呢，其实系一个更严重既情况。首先，一个人如果水份不足，其实会大幅降低整个人既运作能力，要知道身体入边唔同既功能都需要水份，包括血液输送氧气去身体唔同部位，正如上一段提过，如果氧气唔够，人就会容易郁唔到。而血唔够既话，即系连肌肉既收缩功能都会变差，因为血液输送唔切去相关需要运动既肌肉到，咁会点呢？就会出现抽筋同痉挛等症状啦。

咁点解玩水会更易有呢个问题？

事关当你个人游水个阵，你以为自己无乜出过汗，实际上其实你个人一郁，身体内部既温度就会上升，当温度上升，就自然会排汗。而近年更多情况，系大家去玩水个阵，根本唔止系游水，而系玩以水为主题既唔同运动，例如滑水等等，本身就唔系系水入边做运动，即系水系无太多帮到个人降温。咁出咗汗之后跳一跳落水就当无事，其实系忽视咗呢个安全风险。

最简单既谂法，就系个人无水，就去饮水而唔系浸水。因为出汗系体内既事，饮水系补充身入边既水份，浸水只系令你个人无咁热，但流失咗既水份一样都系流失咗。如果只系谂住降咗温就无事，咁就真系大件事。

所以当大家夏天会出户外玩既时候，一定要饮多啲水，留意自己有无头晕眼花，一有唔舒服就记得休息啦！

卫生署防中暑简介：https://www.chp.gov.hk/tc/static/90064.html