一个男仔去首尔,得唔得㗎？首尔之旅 2019-03-10/11

黎到第三日,继续我既行程.一直以黎,我都麻麻地食韩国菜,虽然黎首尔,但好多地方食野都唔太啱我,不过,如果你想试下传统韩国美食,黎呢个「广藏市场」就最好不过.呢度系一个美食广场,有好多档卖小食既铺头,而且有得坐喺度食.今日系礼拜日,非常多,除咗游客,本地人都好钟意帮衬

黎广藏市场,可以搭地铁,钟路五街站8号出口就到.市场既食物选择,例如：绿豆煎饼,韩式饺子,粉丝.不过好多铺头卖既野系类似既.小食档既店主,大多数都系「阿猪妈」,佢哋会用有限既英文同游客沟通,而且笑容满面,非常热情.不过,我就冇喺度食野,纯粹黎行下,感受市场气氛.

去完广藏市场,就去食午餐.喺香港,有间过江龙既 burger店 Shake Shack,我好钟意,首尔都有分店,咁啱有间分店喺东大门,而且阵间都去东大门参观.黎到Shake Shack,呢度有分室内同室外座位,空间唔错.今次都系嗌我最钟意食嘅Smokeshack burger,味道同香港食既一样.食完就去下个景点参观

讲起东大门,其中一座建筑物非常特别,外型独特,就系「东大门设计广场」DDP,呢座建筑物系无柱状建筑,系呢度,系揾唔到支柱.广场面积非常大,而且有啲位置,影相一流.DDP平时会有展览,音乐会等,夜晚黎,更会有LED花海.

参观完DDP后,就行吓东大门商圈.呢度主要系服装找发,所以有啲商场,几层高,全部都系卖服装既店舖.Lotte Fitin , Doota就系其中两个热门既批发商场.商场几好行,有唔同钟类既衫卖,除咗韩风外,一啲外国品牌都有.不过呢度既价钱不一,有时间可以先比较价钱,后决定买.

行完东大门,先翻酒店休息,夜晚再出发.首尔最集中,最多游客既地区,一定系明洞,呢度有好多护肤品专门店,服装店,精品店等,另外,夜晚既明洞大街,会有好多小贩同小食档,可以尽情扫街.呢度既小食价钱偏贵,不过嚟得呢度都唔会理,小食既种类好多,例如：芝士年糕,煎饺子,紫菜包饭.样样野食都吸引,除咗韩式野食,仲有西式小食,迎合唔同人既口味.星期日晚既明洞超多人,气氛非常热闹.

行完明洞就翻酒店休息,预备执行李,听日夜晚翻香港.黎到Last Day,夜晚八点先坐飞机坐飞机,趁仲有半日时间,可以行其他地方.朝早系酒店食完早餐后,准时十二点check out,放低行李后就开始最后一日行程.系弘大坐地铁2号线,到建大入口站,6号出口一出,向前行两三分钟,就会见到一排蓝色既建筑物,好似货柜咁既摆设.呢度就系「建大货柜屋」Common Ground,呢个系韩国第一个货柜市场,用货柜既设计,改成商场,cafe,餐厅,而且系一个打卡热点.