HKESE 自由作家專欄

高 手 在 民 間 、低 B 在 政 總

好一句「Think out of the box 」應該送給政總的「達官X人」們！

一場「佐敦大龍鳳」所動用的人力過千人、物力（未有公佈），2日時間、7千人檢測，得出結果：

「13人陽性」，0.18%？

聞風先「遁」的不計其數、坊間怨聲再度、勞民傷財⋯⋯等。

今天出版的經濟曰報新聞，有位金菊園臘味的後人黎暁靈小姐，祗花了：

1）兩周改裝出一部「採樣車」，

2）4 人運作

3）70萬車價 +15 萬改裝 +10萬營運成本 = 

95萬元就可以一曰做1200個様本，6輛車已經落地。

若話周四「當機立斷」，即封即檢，至多一曰就可以全區檢完，想聞風先「遁」都冇！

咁係咪「快！靚！正」呢？

政總做事，往往就係「婆婆媽媽」（阿婆+大媽），結果那些「漏網之魚」又可以今天返去「播種」，咁又做嚟做乜七呢？

懇請「政總」的「達官X人」們多多開竅，Think out of the box !

多了解「民間」智慧，咪再在「雲端」做人呢？

倒 數

政府的海洋公園記招會又一次印証了：倒錢落「海」！

接著下來的是：「倒數」幾時關門？

好簡單開放入場，個個入去「打張卡」就走，又冇海豚表演、又冇特色必玩項目，有幾多人會再花錢去坐登山纜車、笨豬跳呢？

單靠逐項活動收費？唔好講預備新借的：54億，就算「舊債」到2059年都還唔清！

全世界的主題公園都係「一票到底」，「相金先惠」話之你玩唔玩，才會有固定收入去支撐各類開支。

要搞生態、搞環保、保育，好多郊野公園例如獅子會自然教育徑等可以做，駛乜咁多錢請咁多「能人」去度橋唸計？

若失去了「主題公園」咁同入維多利亞公園有乜分別？

既然無「旅遊景點」？唔通叫遊客入嚟幫手「種樹、除草」嗎？

外判仲大鑊，商家唔算死草至奇，無錢賺會唸計同你搞「旅遊」？

之前把海洋公園搞到有聲有色賺到錢的人踢走，換上啲「能人」搞到今天的唔湯唔水，咁仲要「苟且偷生」，達官x人們不如及早「懸樑自盡」以謝天下好啦，仲撥乜嘢款呀？

煒哥學下你老爸點樣「空手入白刃」點樣「蛇吞象」的財技啦？

事到如今講多都冇用，因為「能人」當道，及早「完成使命」「壽終正寢」吧？