韓國室友

今次搭HK EXPRESS ，同朋友夾30KG 行李，每人千五，其實不太化算。
幸好飛機沒有延誤，下午1點左右準時到達釜山金海機埸，金海機埸設施簡陋，沒有特別既打卡地點。 不過筆者太大頭蝦，將手機遺留係飛機上，而當意識到遺失時，韓方機場職員已經幫助撿回，辦事速度神快啊! 拾回手機，一行三人係機場兌換少量港幣，匯率真係低到嚇我地一跳，但也只好兌了錢就去坐計程車向民宿出發~


民宿地點首選一定係西面!! 因為正正係釜山既熱點中心，相等於首爾既弘大。三個人平分打的錢比搭地下鐵平，亦更方便~ 大約20分鐘就到民宿。位於西面既K-GUESTHOUSE 地點方便，環境舒服，個人認為韓國普遍民宿裝飾不算豪華，但一定會有花草盆栽，別出心裁的放置格局，令人一望就會心曠神怡~ 還未回過神，中文超流利的服務生就招待我地，帶我地房間參觀呢~一入到房間，果然沒有令我地失望，基本設施應有盡有，獨立洗手間大而乾淨，雖然有提供枕頭套及毛巾，但我還是不敢用.. 所以早有自備啦。