美人鱼系点黎嘅？(下)

上期提到世界上第一条人鱼Atargatis嘅故事​，但系令到美人鱼呢个故事深入民心，无论大小朋友都为之着迷嘅美人鱼，相信非迪士尼嘅美人公主一艾利奥 莫属 。

《小鱼仙》(The Little Mermaid) 喺1989年由华特迪士尼所制作嘅第28部动画长片，改编自童话之父一安徒生于1836年所发表嘅《美人鱼》。

呢套动画之所以成功，全因为故事新鲜动人，结合温情、勇气、排除万难去追求目标嘅坚持，加上色彩斑斓嘅手绘角色同埋朗朗上口嘅音乐歌曲，令呢套动画囊括多个奖项，其中包括奥斯卡最佳原创配乐和最佳原创歌曲奖等等。

除咗动画、音乐同角色都赢得各大嘅好评之外，更加令票房大卖，首次上映期间获得8400万美元嘅全美票房同2.35亿美元的嘅全球票房，被誉为迪士尼文艺复兴嘅代表作。

喺2022年12月，仲被美国国家电影保护局宣布将《小鱼仙》列入国家影片登记表永久保存。只有被认为喺「文化上、历史上或美学上具重要意义」嘅，先会被收录。每年只有25套电影能够成功入选。可见无论对美人鱼界，定还是电影界都系举足轻重！

亦因为深入民心，好多人都希望自己能够化身成为一条美人鱼，于是就有人自制鱼蹼将自己变成真嘅人鱼，佢就系人鱼之母Mahina Mermaid。到而家系全球美人鱼运动嘅表表姐，引领全球美人鱼运动嘅安全，更加致力身体力行推广海洋保育。

下一期就同大家分享一下世界上第一条鱼尾系点做出黎啦！