美人鱼系点黎？(上)

提起美人鱼，好多人第一时间就会谂起迪士利嘅小美人鱼——爱丽儿，但原来美人鱼早系公元前10世纪就已经有记载，佢就系生命女神Atargatis。

传说Atargatis爱上一个叫做Hadad 嘅牧羊人，互相相爱，后来生左一个女叫Semiramis，呢个女仔后来成为亚述帝国嘅女皇，最著名嘅作品就系建造咗巴比伦空中花园。

而Atargatis 因为一次意外，导致Hadad 死亡，佢无办法承受佢对自己嘅内疚，于是跳入亚实基伦嘅一个湖中投河自尽。天神见到佢美若天仙，唔忍心睇住佢死，于是将佢变成一条美人鱼。从此，佢就拥有人嘅上身，鱼嘅尾巴。Atargatis 嘅故事系有史以来最早嘅一个美人鱼故事，所以都被称为第一条人鱼（The First Mermaid)。

Atargatis嘅故事将我哋带到去美人鱼传说嘅根源。水喺情绪嘅元素，Atargatis 因心碎而经历蜕变。直至今日，美人鱼嘅形象都包含著女神Atargatis所拥有嘅相同元素；

水嘅治愈疗力丶女性嘅魅力、同海洋之间嘅情感联系。水可以令人觉得恐惧，但同时可以洗涤心灵，Atargatis代表即使面对恐惧同自己嘅黑暗面，都可以欣赏同爱自己所拥有嘅一切。

讲完古代嘅人鱼，下一次专栏再同大家分享令美人鱼变成家传户晓，令大小朋友都着迷嘅原因。记得要留意啦！

资料搜集：Oxford Classical Dictionary, 维基百科, 百度百科