【经验分享】空姐间相处学问

做呢行同事次次都唔同，再遇上机会真系好细。呢样野有好有唔好啦。如果唔夹，唔洗再见。初初头几个月俾3个呀姐呀哥恰过，嘻，唔洗再见到佢地。 不过唔系因为佢地，我又点会成长呢。

夹既，又好难再一齐番工。对我黎讲，呢行识既人都系hi bye friend多。落机就88。做到朋友既，都系training时候识。所以都几寂莫架。我寂寞、我空虚、我冷。

对于同事，我自己岩倾就倾，唔岩倾系咁易一两句就止，之后就无谓刻意扮岩倾。做自己算。基本上对于机上是非呀，听多过讲。放工之后就完。

同事之间话题黎黎去就系有咩好食有咩好玩，讲下同机人是非，讲下仔女，讲下男朋友老公，讲下兴趣，讲下公司几「好」，讲下航班边班几好/几难顶，讲下客人 ...

最紧要有礼貌，be humble。你态度好，就算做错野人地都接受。作为oybb ，番工上我都几授教，你提我错咩我下次先识点做。有时有新过我既oybb ，有d位我知道应该点做我都会提一提，佢问我既，我实答，但因为我都系新，有d位都系等呀姐呀哥提较好。