【室内设计】时下流行的5种家居风格
如果想令屋企更加有设计感，就要令成间屋嘅风格统一。但有咁多种唔同嘅style，究竟边一种先适合你？同埋啱你心水呢？以下帮你整理咗几款流行嘅风格，总有一种啱你嘅！
（1）北欧风格
主张运用自然嘅原木作为建材，营造一种温暖嘅感觉，带出实用又明亮嘅空间。颜色上较为素雅，爱用自然色系作为基调，例如系：白色、米色、浅蓝色、木色、灰色、湖水绿色。而且配合开放式装修格局，开放式厨房设计就系常用的设计方式，特别悭位实用，适用于香港小单位蜗居设计。可以有效增加采光，又可以减少隔间带来嘅压逼感，令空间感觉更阔落。
（2）日式无印风
日式无印风讲求自然简约，尽量采用自然光源，亦可以运用木制家具，呈现木材嘅柔和、光泽感觉，令屋企增加暖和感。同时避免使用金属材质，以及过于花巧嘅设计。选材方面建议拣选：竹子、石板、榻榻米、玻璃、梧桐木等等。就可以较容易呈现日本风格讲求同大自然共存嘅意念。门身方面可以利用日式趟门，增加和风感觉。
（3）工业风
工业风系一种模仿工厂、仓库嘅装修风格，以实用性为主。墙壁、地板常展露出建材原貌，例如可以运用大片幅嘅仿清水泥墙身、天花，亦可以以原木风味嘅地板及家私，形成工业风格独有嘅粗糙趣味同美感。颜色方面，黑、白、灰系工业风嘅基调，可以互相配搭，为家居制造层次和对比。
（4）轻式奢华风
轻式奢华风系通过精致而不失高档嘅软装元素，而凸显家居质感，令单调空间显得更有品味。所以设计上著重细节，例如：纹理自然嘅大理石元素、有光泽嘅金属、镜面、黑钢材质等等，增加精致感。同时亦要摒弃过度华丽嘅装饰，创造奢雅嘅感觉。需要有高级嘅生活品味，又要有低调嘅简约感。配色上可以考虑黑白灰、暖调奶咖色、米杏色、、象牙白、原木色。
（5）简约风
Less is more嘅装修风格，即系减去不必要嘅繁复，唔做华丽装潢，回归设计本质。所以设计上大多以浅色、大地色为主，较少有其它花俏配色。家具上可以实木家具为主，可以呼应主色设计，又可以令家里多一份温暖感。墙面就可留白，用简洁造型展现视觉感，令室内空间宽敞通透，带出无压舒适感，呈现温馨居家自然感。
