唔想打工？做 Freelance自由工作者的8大贴士

随著企业模式嘅改变，香港出现愈来愈多嘅 Freelance Job，如果你可以建立到Freelance相关嘅人脉，Freelance嘅收入甚至可以成为你嘅主要收入来源！自由工作虽然弹性，但无论你想成为一个全职Freelancer，或稳定地用Freelance获得第二收入，都有好多嘢需要注意。以下系8大接Freelance贴士！

1）接 Freelance ，点计钱？

对好多人嚟讲，接Freelance最难搞嘅系到底应收人几多钱。Freelance收几多钱，当然要睇你做嘅系乜嘢Job，不过其实都有简单嘅方法帮你计算报酬。

接Freelance时，你当然要问清楚工作性质同几时交货。而你其实可以先订立自己嘅时薪，然后思考该份工作需要花你几多小时完成，咁就可以计出你嘅「最低工资」。如果你可以自己开价，就以此最低工资为底线，开高一点，睇下对方会唔会接受。

例如你系一名有经验嘅文字工作者，接咗一份500字嘅客稿，你觉得自己嘅时薪系值$300，你需要花两小时完成，咁你可以尝试开价$600或以上。

你或者会觉得工作好难量化成时间，但其实做落唔难。某些行业例如律师，就一直用呢种方法计算收费的。

另过，透过HKESE，你会有好多机会接触到想揾FREELANCERS帮手既雇主或者俾雇主发掘你，
建议大家登记成为会员既时候，花多D时间填好你既FREELANCER PROFILE专业个人资料，增加自己嘅曝光率，可有效提升揾到笋JOB既机会。

2）讨论完工作条件后，写一个Email 给对方Confirm吧！

好多时大家都会通过倾电话或见面确认工作条件，但当确定工作内容后（主要内容有：工作性质、修改次数、交货时间、工资、支薪时间、支薪方法等），记住要传一个Email给对方，确认工作嘅条件，以保障双方嘅权益。当然，如果方便嘅话，最好就系双方签订合约，但系香港好少会咁做，传个Email会系比较常见嘅折衷做法。

3）在Deadline前交货

你可以尝试在接Freelance时，为自己争取多一两天的工作时间，永远不要做Deadline Fighter，或过死线后不交货。会外判工作嘅公司，好多时收到货后都要经过不同人Approve，对比准时同质素，佢哋往往会宁愿选择准时嘅Freelancer。

4）时刻整理自己嘅Portfolio

Portfolio唔单止可以俾潜在客户睇到你嘅作品，而可以帮自己整理经验。你甚至可以将Portfolio转化为网站或Facebook Fan Page，咁样可以令你建立更多人脉！

5）完成工作后，询问对方有什么可以改善

呢点好少Freelancer会做，但其实十分重要，证明咗你重视呢份工作，并是一个可信赖嘅人，可以建立长期嘅合作关系。

6）Freelance税务问题

作为社会嘅一分子，交税系每一个合资格公民嘅责任。因为外判工作俾你嘅公司都会报税，Freelance嘅收入理论上系需要报税的，甚至系需要申请商业登记证的。但你可以选择以公司或个人名义去收钱，呢个就睇你自己嘅财务安排喇。

7）走出Comfort Zone，认识不同圈子的朋友

好多时，你朋友嘅专长会同你差唔多，你其实好难从已有朋友圈中得到Freelance机会。去认识欠缺同你一样专长人士嘅朋友圈吧！

8）自律和管理

Freelancer好像比较自由，时薪往往又比全职工作高，但其实反而比全职工作更需要自律。如果你想当一个Freelancer，建议你不要直接辞掉全职工作，反而应该多做不同的全职工作建立人脉，善用公余时间做Freelance，了解自己嘅工作速度同时建立纪律，你嘅Freelance先会长做长有！