【网友分享】SEM议员 - 毕业旅行平DD

Grad Trip, Get Cheap and Cheers!

恭喜一众DSE学子，完成历史性任务！呢排IG见得最多系咩？系临上机之前影既登机牌！无错，呢个时候，大家应该储够钱去期待已久既毕业旅行啦！储钱还储钱，大家依然系无业游民，去旅行都要精打细算，但又想玩得尽兴，岩岩系日本关西翻黎既小编我，就同大家分享下点样计划一个精密毕业游！
 
你可能会问：点抢平机票？

答：如果想搭经典大牌航空公司，就要留意每逢礼拜二出既Fansfare，用平最少3成既价钱，享受同样既服务，当然系手快有手慢无啦！除左大型航空公司之外，前往东南亚既廉价航班好多选择，例如前往日本既全日空、前往台湾既长荣航空。有时候，单买机票比套票贵，所以大家最好计划个阵，行下旅行社索取机票连酒店套票，仲要同唔同旅行社比较一下。谨记，美好的旅程由搭飞机既一刻开始，千万唔好因为平而唔理航班时间，因为有唔少廉航班次较疏，亦较高机会延迟起飞。如果大家唔想时间被耽搁，就要安排好航班时间同航空公司信誉啦！

你可能想知：去到当地，应唔应该搭的士？

答：其实小编以前都好多时候去旅行要靠的士为主要交通工具，但交通实在花费太多，所以我近呢几次去旅行都会做足功课，铿番唔少架。其实好简单，至需要有一机在手，即使wifi挞唔著，都唔怕稳唔到路！教个好洗好用既方法比大家：download Google Form，第一页系事前plan好每一日大概会去既地方，旁边注明前往方法。之后既页数就放各交通工具既路线图。当你由一个地方过渡去另一个地方既时候，就会发现呢个方法好使得！大部分地区既交通路线比香港繁复得多，一个站可以存在5-6个路线，班次亦唔好似香港咁密。要畅通无阻乘坐交通工具，就需要用到当地既交通apps。以日本为例，「换乘Navitime」就系包含所有JR、地下铁、机场线等既资料。详细资料包括车厢编号，班次时间，车程，价格都可以睇到。有左呢几样工具，就包保唔洗荒失失咁跳上的士，仲可以铿多D时间添！
 

你应该想知：Book民宿安唔安全架？

去旅行好流行系Airnb租住民宿，但最近屡次传出民宿丑闻，令旅客对民宿的信心大减。事实上，民宿的确比住酒店平，空间感宽阔，有煮食用具，适合组团去Grad Trip既同学仔，但民宿始终没有酒店式的服务，第一次前往该地方时，人生路不熟，很多时候需要靠酒店的24小时服务。酒店的保安和消防设备完善，系信心之选，讲到安全依然系酒店比民宿优胜。假如真系想选择民宿，最好就拣D会讲汉语或者英文既房主，位置靠近市中心，系一栋式公寓，方便照应。如果2个闺蜜去旅行，一些胶囊酒店都唔错，价钱更低，形式就好似住Hall咁，厕所浴室共用，有一个床位既私人空间。去旅行大多时间都唔会系住宿既地方，所以都唔怕地方细。但谨记，外出时要带晒所有贵重物品跟身，始终系同外人同住同一空间。
 
贴士就讲到呢到，去旅行最紧要开心开心！好人同学仔Grad Trip就系第一次无父母系身边既旅行，系时候独立啦！做足功课，早D计划好行程，去到唔会觉得陌生，边个话Cheap既Grad Trip唔可以Get Cheers？立即行动啦各位！

作者：梓潼

作者简介：新闻系学生，大学期间曾经创业，又任创业板记者，Freelance小编，身兼多职，享受当一个自由的斜杠青年，闲时到健身房锻炼。人有太多愿望和抱负，死守一份工作未必能逐一达成。

本文为HKESE 专才作家原创编撰，原有转载必须注明出处。