【不是定律】平、靓、快的迷思

最近揾人帮屋企做装修，体会到一个「不是定律」：平、靓、快，三者系不会同时存在。

要平，又要好，就要等；
要平，又要快，就唔会好靓 ；
要好，又要快，收费就自然贵...

自己都有接Job 帮人做网站，作为服务出售者，当然明白世上无平靓正呢回事。

只系今次换转左自己作为服务购买者，竟然差D忘记左呢个定律，妄想到揾到「平靓正快」既装修公司，结果当然一系就揾唔到，一系就中大伏。

好彩，我最后都揾到一个靠得著、手工好、收费唔贵既装修师博，当然，佢多Jobs 到接唔哂，有时回复慢要俾耐性等下，但我觉得好合理，因为呢个好符合「不是定律」。

由此带出，作为Freelancer 服务提供者，我地要清楚自己既定位。

想系做平价既WordPress 罐头Theme 网站，
定系做高质Tailor-made 度身订造设计功能既网站？
收费可以差好远，但小米定系Apple，各有喜爱。

视乎返Client 重视既系价钱定系质量，揾返合适既Client，俾返佢想要既野佢，唔好俾客户有不合理的期望，Client 的期望与成品没有落差，就自然皆大欢喜。