雷克雅维克极限挑战一日游

大多数旅客都会以冰岛的首都 - 雷克雅维克

作为冰岛旅行的落脚点

今次决定为大家介绍雷克雅维克一日游

虽然冬天在冰岛冻到真系好唔想出门

平均气温-3度 加上四面环海好大风

每次行5分钟 就想返酒店

但系旅行就系要体验极限

所以GOGOGO!

 

首先我住既地方叫Rey Apartment

地下是大堂check-in area

1/F, 2/F 系酒店房

3/F 则系酒店主人既屋企

抱歉 进来前忘记拍照

反正左边就是开放式厨房 右边就是睡床XD

非常整齐 酒店主人亦都好好~

预先email问左大概到达时间

由机场搭巴士到酒店亦都方便 所以都推荐:)

 

收拾好行装就准备出发

景点基本上都系围著我间酒店的

 

首先向海既方向去第一个景点 – 太阳航海者

据说系当年维京人发现冰岛时 系呢个位置上岸

之后就沿著海边行 直望已经见到Harpa音乐厅

佢既设计系源自于冰岛的自然景观玄武岩

而玻璃外墙 听讲日落时份望住阳光反射既景色会更加靓

去完Harpa就搭shuttle去珍珠楼

因为Perlan珍珠楼非常推介，所以希望迟下另写一篇:)

Shuttle大约30分钟班

我好记得我行完展览刚刚好走左一班Shuttle

要等成25分钟既我

决定行路落山去下一个景点

顺便探索一下冰岛

同埋行下路可能会暖d架嘛!

慢慢行就黎到哈尔格林姆教堂 Hallgrimskirkja

哈尔格林姆教堂系冰岛最大的教堂

系Perlan观景台亦唔难发现佢既踪影

教堂更可以登塔 一览冰岛既风景

不过既然系Perlan望左

再加上今日天气好差既关系 我就无决定上啦

不过如果天气好 都建议大家可以上去望下

近距离感受冰岛的市区

另外 不得不提在教堂前方的雕像 – Leifur Eiriksson

据说他是比哥伦布早500年发现美洲

不过无登陆

而他亦系维京时期伟大的探险家!

市区铁脚游最后一站就系托宁湖

湖面冻到都结左冰

只剩下天鹅、野鸭等活动的地方

冰岛的冻绝对唔系一般香港既冻

亦唔系日本韩国的干冻~

佢既冻系真系好冻既冻

 

冬天的冰岛同我影既照片一样

空虚 宁静 有种说不出的寂寞

但系当你每日都沉浸在大城市既繁华 热闹中

心中既空虚可能比冰岛更冷.........

.

.

.

更多旅游相片及资讯, 可到:

IG: http://www.instagram.com/92_traveller

Website: www.92travellerblog.com