由一个兼职楼面仔变成一个「煮饭仔」

20岁得副学士毕业学历嘅我，由一个靠兼职楼面赚钱养自己嘅男仔，变成一个日日包揽晒所有家务嘅煮饭仔。话说上年家父、家母因心脏问题先后入院，出院后身体状况大不如从前，自此，我就开始左我嘅煮饭仔生涯。啱啱开始个阵其实唔系好惯，以前最多都系做下家务，无谂过有一日要照顾全屋企人嘅生活起居饮食。

        上年十一月开始，每朝九点起身，然后开始煮早餐比自己同屋企人食。因为，个个饮食习惯唔同，所以有时要煮三次。然后到中午十二点，就要出去买𩠌，谂定要食啲乜野。买完翻到屋企，又要煮中午个餐，不过中午个餐多数汤饭，再唔系就煮即食面。

        最辛苦系晚餐，因为要一个人煮晒四个𩠌然后再洗埋碗。我相信系疫情下，好多人可能都会留系屋企，但未必因为家庭问题而留系屋企做家务。其实有时候都有啲压力，因为要包揽所有家务，甚至放弃埋份工。讲左咁多，其实都系想大家多啲体谅自己嘅妈咪，或者一路默默照顾你生活起居饮食嘅人。去到而家六月，其实我日日生活都同上面差唔多，不过因为咁，我比以前仲更加独立，识得煮饭，识得照顾人。每一次嘅磨练，都系成长嘅机会，唔好害怕，勇敢面对，一定会有啲得著。