注册安全主任（人称「安全佬」）系我嘅工作，就唔系长工，间中炒下散，收入都尚可以，胜在时间自由。我兴趣多多，但冇样专长，寻晚就撞啱开完夜，食个早餐转头就瞓。
沙嗲牛肉面当然正啦，但我嘅重点系，果两只生蛋。喺自己屋企，相信几难做到，望落好似熟，实际系生，我钟意拮穿只蛋，蛋黄流哂出嚟，然后用个包去点，再食哂啲蛋白，再慢慢叹碗面，真系想大声讲：「人生至此，夫复何求！」
不过我冇，因为怕俾人捉入青山，回想读书时代，早餐都未必食，瞓醒都中午了，食早餐是奢侈，亦费事，瞓多阵好过。
我其中一项兴趣，是观看赛马。很多人将赛马，跟赌博挂钩，其实不然，只是斋睇都可以好爽。
