這裏歡迎用廣東話口語來投稿嗎?
有聊得很嘅情書上集
致親愛的 XX(真係發信先換個真名啦)
有好多令人响往嘅情話,例如我同妳走到海枯石爛,牽著妳手漫遊到天崖海角,甚至每一日擁著妳睇壯觀嘅星河,直至天荒地老⋯
但係縱使對妳咁樣講,我覺得仲係遠遠唔夠⋯
要點講至好呢?
喺我嘅夢裏,曾經同妳一齊共遊歐羅巴,近睇十個太陽一樣大嘅大紅班,同一個天咁大嘅佈滿同竼高嘅畫一樣咁靚嘅木星。或者,喺嗰度仲可以憑肉眼就睇得到埃歐上面嘅四百座活火山⋯
也曾經一同夢到飛到恩賽勒達斯,感受著噴到喜瑪拉雅山一樣高嘅噴泉時,同時睇到幾乎觸手可及美絕太陽系嘅土星環,甚至飛去極地⋯唔係地球嘅極地⋯係土星嘅極地去睇全世界科學家都摸不著頭腦嘅六角風暴⋯
再飛去冥王星睇一下會翻滾好似喺星戰中嘅月亮,也可順便睇一下美極嘅冰火山⋯
天荒地老太小兒科啦!因為天荒地老都會被紅巨星太陽吞沒,但願同你牽著手,睇完紅巨星太陽,伴隨著走進白矮星時代⋯
甚至到咗黑矮星時代都未夠,無論嗰時嘅天地係美定係醜,我願同妳喺黑矮星時代乘著勢能都要再過十億年⋯ 直至墜落到一個星球咁大嘅鑽石,成為那鑽石嘅一部分直至永恒。
這是有聊得很嘅情書上集。敬請妳耐心等一下,等我寫完「獻給哈勃的退休禮物」第二季,再向妳呈上有聊得很嘅情書嘅下集⋯