【環保L 少膠事】
終於發現Green Monster 史力加朋友，可以圍下爐，希望佢識睇中文。
去街市買餸，無論是同阿媽、家姐、真遮遮，定係自己獨行，街市大叔阿姐都會同我講 'Good Morning!' 當我係遮遮，其實我都冇咩所謂，（尤其試過喺泰國有本地人會用泰文問我路，就知我咩嘢料啦！何況遮遮而家係少數被高身挖角嘅行業。）但當我一使出撒手鑭「裸買餐盒」就 KO咗佢哋。在我區街市族群眼中，環保 tote bag 好平常，但餐盒幾乎同「煩」字掛勾，我都盡量等其他人買先，自己壓軸，自己冚蓋，希望將「茶煲」減至最低，盡量唔阻人搵食，好彩部分阿姐大叔都明白事理， 咁當然有人會藐爆啦！
老老豆豆，買豆腐、涼粉和腸粉呢類食物，用盒好過用膠袋，街市用膠袋都唔係食用級袋， 買一餐餸用十個袋，再加氾濫嘅生果網，全部都用唔夠15分鐘，但就遺臭千年，當見到嗰啲濕𣲷𣲷嘅袋，一幕幕滿肚膠袋嘅鯨魚，同埋
被穿「飲筒鼻環」嘅海龜
影像，就即時喺我腦海度轉呀轉。
喺家人同本地朋友眼中，我唔否認我係環保L，但其實喺外籍朋友眼中，都只係小巫見大巫，未見過大蛇 wee wee。我一心只諗 :「 唔好怕醜怕麻煩，做得幾多就幾多， 耳濡目染。」