《运动抗衰老：你只系睇落后生，定真系年轻？》 | Owen＠taekwondowen

有冇试过喺街见到啲阿伯阿婶，明明讲紧自己七十几岁，但走路比你快、成个人精神到爆？反观自己，廿几三十岁，返工返到腰骨痛、放假只想摊喺床上 Netflix 躺平，身体好似随时都要报废咁。咁究竟，「年轻」系讲年龄？定系讲你部机仲有几多马力？

老化，其实唔系岁数咁简单

讲开「老化」，你可能第一时间会谂：「我几多岁，就等于几老啦。」但你知唔知，科学上讲「老化」其实唔系单纯指你生日多咗几多次，而系你身体内部机能嘅退化过程——器官运作变慢、细胞再生能力下降、能量制造唔掂、代谢变差等等。

简单啲讲，你张身份证几多年，其实唔代表你部机器仲运作得几顺。

哈佛医学院曾指出，生理年龄（biological age）可以同你实际年龄完全唔一样。有人六十岁，但心肺功能好过啲三十岁嘅「坐Office星人」；有人三十岁，但已经有糖尿病、高血压、腰背痛三件套，行两条街都想叫的士。

而呢种「机能上嘅衰老」，好多时同一样嘢有关——就系粒线体。

粒线体系乜？唔系手机App，更唔系钢铁人个炉，而系你身体几乎每一粒细胞入面嘅发电机。佢哋负责将你食落肚嘅糖、脂肪，转化成身体可以用嘅能量（ATP）。冇咗佢，你连起身刷牙嘅力都冇。

但问题系，粒线体会随住年龄而减少同退化。老咗之后，佢哋产能下降，又容易出现氧化压力（oxidative stress），变成无用装饰。想像下你部风扇净系嘈唔郁，你就明。

研究指出，粒线体功能下降系导致多种退化性疾病（例如柏金逊症、阿兹海默症、心脏病）嘅一个重要原因。咁有冇方法可以帮粒线体打返支强心针？有！唔洗买保健品，只要郁下就得！

原来运动可以有效刺激粒线体新生（mitochondrial biogenesis），即系叫醒佢哋、召唤多啲朋友返嚟帮手，令你身体再充满能量。

一篇《Cell Metabolism》期刊研究（Robinson et al., 2017）指出，有规律做有氧运动（如快步行、慢跑、踩单车）嘅人，粒线体数量比唔郁嘅人高，而且七十岁做开运动嘅人，粒线体功能竟然近乎三十岁懒人水平！

唔止有氧，阻力训练都会刺激粒线体功能，仲帮你留住肌肉，唔怕变「皮包骨」。所以，运动唔止系减肥咁简单，佢系保命同逆龄嘅秘密武器。

研究亦一早证实，长者有做规律运动，可以减低患糖尿病、心血管病、失智症、甚至跌倒风险（Nelson et al., 2007）。

但香港人最叻揾借口：

老老实实，如果你咁早就放弃郁，咁你老化嘅速度真系会「快过坐高铁」。

运动唔一定要去健身室、唔需要著瑜伽裤先郁得起身。

以下系初学者都可以做到嘅建议：

记住：郁，永远比唔郁好。

而且做之前，如果你有长期病患（如糖尿病、心脏病、慢性关节炎）或曾经中风、骨折，建议先咨询物理治疗师或医生意见。

香港人最叻包装：块面敷mask、身体搽精油、食燕窝NMN。但如果你入面部机器烂晒，外面抹再多都冇用。真正抗衰老，唔系靠钱堆出嚟，而系靠你每日郁落去。

你今日试吓：

你就会发现：原来年轻，系一种选择。

Robinson, M. M., et al. (2017). Enhanced protein translation underlies improved metabolic and physical adaptations to different exercise training modes in young and old humans. Cell Metabolism, 25(3), 581–592.
Sun, N., Youle, R. J., & Finkel, T. (2016). The mitochondrial basis of aging. Molecular Cell, 61(5), 654–666.
Nelson, M. E., et al. (2007). Physical activity and public health in older adults. Medicine & Science in Sports & Exercise, 39(8), 1435–1445.

如果你都想成为 「真系年轻」嘅人，唔好再等！
拉筋三分钟、行一圈楼梯、深蹲三组，今晚就开始！

💬 你今日郁咗未？留言话我知你做咗啲咩运动啦～

本文由作者【Owen＠taekwondowen】创作刊登于HKESE，如未经授权不得转载。