大學新生點樣用 AI 幫自己讀書？學識呢兩個AI 幫你慳更多時間享受大學新生校園生活 ！
入大學第一日，好多新生仲帶住中學 mindset，以為「背書+操 past paper」就可以搞掂一切。點知教授一開聲，就派你一份題目——「氣候變遷對全球糧食安全的影響」。仲要你交三千字研究報告。你望住 Google Scholar 上面幾十篇英文論文，再加幾份政府 PDF 報告，嗰一刻真係覺得自己返咗落地獄。
老實講，呢種感覺就好似第一次去到大學飯堂，明明只係想食碗撈麵，點知職員俾咗你十個醬汁、五款麵底，再問你要唔要加餸。選擇多到你唔知點開始，結果索性放棄。
呢個時候，AI 就係你嘅救命神仙水。唔係幫你抄答案，而係幫你將「亂」變「有序」。建議大學生可以用嘅兩個工具：MANUS 同 ChatGPT-5。前者係「自動化小秘書」，後者係「隨身補習老師」。
MANUS：幫你收拾亂局嘅「自動化小秘書」
試想像下：你攞住一大堆文件，全部散晒喺電腦資料夾，好似書桌上面啲散紙、八達通收據咁。教授叫你交份研究報告，但你連邊篇論文講咩都未搞清楚。呢陣時候，就要靠 MANUS。
你只要將嗰啲 PDF、Word 報告甚至網頁連結一次過丟俾佢，再俾一個指令：「幫我整理有關氣候變遷對糧食安全嘅文獻，生埋摘要同標籤。」
跟住你就會見到奇蹟：
MANUS 會幫你讀晒啲文件，抽出每篇嘅重點；
幫你自動分類，例如「氣候模型」、「農業技術」、「政策影響」；
幫你生一個互動式文獻庫，好似一個 searchable 網站，入面有摘要、有關鍵詞、有連結。
簡單啲講，本來你要用成晚捱著紅牛去 copy & paste 嘅工作，MANUS 幾分鐘就幫你做晒。你就可以由「低頭打雜」升級成「有時間思考嘅研究生」。
仲有，MANUS 另一個神奇位，就係可以幫你處理數據。假設教授派咗個 Excel，入面有全球農作物產量數據，你一睇已經眼花。用 MANUS，你可以直接叫佢：「幫我畫圖表，解釋變化趨勢。」成個流程自動化完成，慳返唔少熬夜同 Excel 格鬥嘅時間。
ChatGPT-5：永遠唔嫌你蠢嘅「補習老師」
不過，文獻整齊唔代表你就即刻明白。讀學術文章嗰種痛苦，真係可以形容為「一邊讀一邊想退學」。例如，見到論文寫「Climate-resilient agriculture」，你可能心諗：咩嚟㗎？可以食㗎咩？
呢個時候，就要交畀 ChatGPT-5。
你可以問佢：「咩叫氣候韌性農業？可唔可以用淺白例子講解？」佢會話比你聽，呢個意思就係「農民種耐旱嘅品種，或者政府搞儲水系統去頂住極端天氣」。一句解晒你三頁論文。
除此之外，ChatGPT-5 仲可以：
幫你總結論文段落，抽出最關鍵嘅數據；
幫你設計研究報告嘅大綱，例如「引言 → 主體影響 → 政策應對 → 結論」；
當你要 presentation，仲可以模擬教授會問嘅問題，等你提早 rehearse。
講到底，ChatGPT-5 嘅角色，就係嗰個永遠唔會笑你蠢嘅補習老師。你凌晨三點問佢問題，佢依然有耐性答你，仲唔會收 OT 費。
點樣玩「組合拳」？
如果只用 MANUS，你會有一個靚仔嘅文獻庫，但可能唔知內容講乜。
如果只用 ChatGPT-5，你理解到概念，但資料要自己慢慢整理。
最好嘅玩法，係將兩者配合：
起步：用 ChatGPT-5 幫你諗研究角度。
收集：將相關文件全部丟入 MANUS，變成互動式文獻庫。
分析：再用 ChatGPT-5 幫你解釋專業術語同數據。
收尾：最後叫 ChatGPT-5 幫你檢查語法、潤色，令報告更專業。
呢個流程，基本上就係「老師幫你開腦洞 → 秘書幫你執行 → 老師再幫你收尾」。咁樣，你唔單止交到功課，仲真係會明白入面嘅內容。
新生場景，AI 點樣救你？
迎新後第一份 group project：通常大家分工，總有人負責資料收集，但新生根本唔知點開始。將資料放入 MANUS，佢幫你整理文獻庫，再用 ChatGPT-5 解釋概念，全組人都唔會講唔同 version。
Midterm 前夕惡補：Lecture note 厚到可以摺成枕頭，讀到頭痛。ChatGPT-5 可以幫你用簡單語言重組知識，仲可以出模擬測驗題，等你即刻對答案。
第一次寫 3000 字研究報告：最煩就係 reference 格式。ChatGPT-5 幫你做 APA/MLA 格式教學，MANUS 幫你整理 citation 清單，一次過搞掂，唔洗再對住格式流眼水。
兩者差異總結
| 特性/工具 | MANUS AI | ChatGPT-5 |
| 核心能力 | 自動化執行多步驟任務，將想法轉化為實際行動，文件處理與轉換 | 語言理解與生成，知識問答，文本摘要與寫作輔助 |
| 處理對象 | 原始文件（PDF, Word, 網頁）、數據集 | 文本輸入（複製貼上、提問） |
| 流程差異 | 執行導向：接收高層次指令，自動化完成資料收集、閱讀、摘要、分類、標籤，並生成互動式工具。 | 諮詢導向：接收問題或文本，提供文字建議、解釋、摘要和寫作大綱。需要用戶手動進行資料的輸入和整理。 |
| 指令形式 | 更傾向於任務型指令，例如「整理這些文件並建立文獻庫」。 | 更傾向於問答型指令或文本處理指令，例如「請解釋...」、「請總結這段文字...」。 |
| 結果展現 | 可操作的工具（如互動式網頁文獻庫、結構化數據庫），自動化處理的成果。 | 純文本資訊（如整理方法建議、文字摘要、解釋、報告大綱），需要用戶進一步手動應用。 |
| 對學生的幫助 | 大幅減少手動操作，提高資料整理效率，將零散資料轉化為系統化、可用的資源。 | 快速獲取知識和建議，理解複雜概念，輔助寫作和構思，但不直接執行資料處理。 |
一個反思：AI 唔係捷徑，而係槓桿
好多新生一開始會擔心：「用 AI 會唔會算抄襲？」其實重點唔係咁。AI 唔係替你寫，而係幫你慳番啲「技術性雜務時間」，等你有更多精力放喺思考、比較同討論上，而唔係係格式上邊，盲搵文獻當中浪費咗不必要嘅時間。AI 唔會幫你「學」，但可以幫你「學得快」。真正嘅差別，就係你點用嗰啲慳返嚟嘅時間。
今日就可以試嘅一個動作
下次教授派新題目，你唔好再盲目 Google。
先開 ChatGPT-5 問：「呢個題目有咩研究角度？」
拎到幾個方向之後，將資料放入 MANUS，生一個互動式文獻庫；
最後再用 ChatGPT-5 起大綱、檢查語法。
做一次，你就會明白，AI 唔只幫你「快」，仲幫你建立一套 workflow。
延伸試用
想親身試下 MANUS 點樣幫你做自動化資料整理？可以參考使用這個連結申請使用 MANUS：https://manus.im/invitation/WMTLT4ULFXCV