Dune : Part 2 史诗级大作 定 娱乐大作

 

上星期喺朋友邀请下，睇咗两集DUNE，无错，我系无睇第一集。所以喺忙碌嘅工后时间描两个多小时去补课睇返第一集。

 

简单带入上一集内容；喺一个人类可以坐太空船穿梭浩瀚宇宙嘅时代，有一类神奇物质「香料」，系宇宙旅行必须物质，而已知宇宙中，只有沙漠星球「厄拉科斯」可以生产香料。主角保罗系亚崔迪家族嘅王子，亚崔迪家族被宇宙帝王诏命迁徙到厄拉科斯开采香料。事实上，帝王系惊咗亚崔迪家族权力愈来愈大，当亚崔迪家族去到「厄拉科斯」，就暗地同原本管理「厄拉科斯」嘅哈肯能家族合作，将亚崔迪家族屠杀。而主角保罗同妈妈洁西嘉就逃过一劫，遇上沙漠嘅原住民「弗瑞曼人」，同埋保罗梦中出现嘅情人「荃妮」。一个弗瑞曼人要求同保罗公平决斗，赢咗先可以保佢母子平安。而保罗就成功咗，人生第一次杀人。

 

（必须要睇第一集，因为两集内容系直接相连）

 

小小剧透，真系小小，自行选择

 

承接上集，母子一开始就被哈肯能家族派兵追杀，幸好有熟悉沙漠嘅弗瑞曼人利用地形，加上召唤沙漠大boss「沙虫」，成功回到弗瑞曼人据点。母子两人分别踏上成长；洁西嘉饮下弗瑞曼人嘅「生命之水」成为佢哋圣母；而保罗就学习沙漠嘅生存之道（加沟女）。弗瑞曼人宗教传承千百年，会有一个救世主救赎佢哋，保罗喺沙漠嘅各种英姿令弗瑞曼人联想到救世主，唔少人开始「睇佢头」，成为佢哋嘅领导者。

 

宗教的力量

 

原著作者法兰克·赫伯特喺访问中讲过。形象十分正面、被视作历史上最伟大总统之一嘅甘乃迪系众多总统中最危险嘅一个；反观，丑闻多多嘅尼克逊总统则是对美国甚至世界有最大得益嘅美国总统。原因系甘乃迪领袖能力好高，一声令下，万人和应。然而危机在于人们会盲目跟随，容易引发狂热与不理性，失去思考能力，当有人反对自己，就好似反对伟大领导一样。而尼克逊，一个会因丑闻而被弹劾下台嘅总统（唔了解嘅朋友可以google一下水门事件）。

 

电影中，保罗就正正系万年无一嘅领袖，又靓仔又好打又有脑又有背景……加上中晒古预言中所有项目。令千千万万弗瑞曼人跟随。加上上文提到生命之水保罗都有饮到，系唯一一个饮完企得起身嘅男性，而饮完后，保罗得到「预知」能力。了解人类将会面对嘅灾难，得知古今因果。而「预知」都真系只系「预知」，没有改变未来嘅能力。所以喺饮完生命之水后保罗有一种无奈。自身只可以无力地等待「预知」嘅未来。

 

但人民又点会知咁多，佢哋只知道等咗千百年嘅救世命出嚟打救佢哋，可以远离沙漠哩个极地。就算保罗极力否认，佢哋只不过当佢谦虚，更加信佢系救世主。世上众多故事提到信念好强大，喺DUNE都有哩个体验，只系盲目嘅信念，可以令一个国家，一个生态，一个星球，一个宇宙搞到天翻地覆。

 

一书小说 消坏电影人脑细胞

记得2021年有朋友睇完 Part 1，觉得音效好好，其他无咩特别。而小弟一连睇完两集，我会话第一集系向大家讲述沙漠星球嘅科技同人物关系，都系主角起步阶段。例如电影会用大量镜头去拍飞机起飞，科技护盾同埋特别技能。喺需要种种镜头去介绍世界观嘅同事，将保罗嘅家门惨剧拍得精彩绝伦，好样观众同情共情。Part 2喺建立世界观后可以赶火车，一口气讲晒故事。剧情量系Part 1嘅150%（大约啦）。但系小弟觉得Part 2嘅人物关系成长就都有啲赶火车。例如母子饮下生命之水得知一切，性格有变，但舖排时间唔多，观众要load一阵后知后觉。而男女主角感情都慢慢咁好快建立起来，都令我有一种矛盾觉得佢哋发展节奏有啲快。然后又要花时间介绍新旧反派，太大嘅世界观令观影体验有松散。不过，话就话史诗大作，终究都系娱乐，唔可以当文艺文睇艺术嘅。希望各位可以了解并调整心态，is the time to enjoy the show.