电影《白日之下》感想文

《白日之下》 观后感

在写这编文章时，我问自己：是想以推存人去睇这套电影的角度写？还是以单纯写一编感想文的角度写？思考良久，最后选择后者，既然是感想，就写得通俗一点，看的时候有点一气呵成就最好不过啦。

不过还是提几句推存的话吧：陈湛文㖞～简君晋㖞～《IT狗》㖞～有内涵的香港电影㖞～没理由不入场支持呀。但公道点，如果比较容易情绪化，又或者有PTSD，入场前就请先衡量自己的接受能力。完

好啦，跟住是我自己的感想文，内容可能有点冗长和主观；怕闷或偏激人士就自行回避啦。

（下面会改用粤语表达，应该会比较传神和易理解d)

其实睇完呢套电影，我陷入左几日自问自答既思考迷宫。

「睇d咁惨既戏仲乜？睇完个世界咪又系咁？

「住系呢个地方就系咁架啦？你唔系仲未接受现实呀 ?」

   当我介绍呢套戏俾人睇既时候，都会听到类似既反应，就正如套戏其中一句对白：「你唔系觉得呢个世界会为左一编报导而改变。」

「或者…….或者今次就会唔同呢。」脑入面就会浮现系戏入面另一句对白。

其实反映社会议题电影，存在既目的，唔系帮我地去解决任何现实问题，而系令更多人知道社会现状既同时，刺激我地去思考，同试试转换角度，站起唔同既立场去思考问题既本质。

「啱定唔啱，事乎观点与角度啦，你又要谂下照顾呢班等死既人，系几浪费社会资源，佢哋亲人仲惨，系永无休止既恶梦。有d野，系无奈，但系无辨法，系要妥协。正如鲍起静讲：人老左，就系包袱。」

无错。人总要学会选择妥协，尤其当你无得㨂既时候，做错一个决定，可能就瞓街。好似电影入面既残疾人士同老人家一样，边个唔想过正常人既生活，开开心心过有亲人陪伴既日子；但佢地因为各种理由无得㨂，唯有选择妥协；即使旁人觉得佢地无尊严，被残酷对待；但有个家，有个自己既地方，总好过要瞓街。流浪街头。

「你想我依家当你系负累？定将来你觉得自己系负累，一系依家我走，咁最小将来大家都无机会觉得对方系负累。」

戏中其中一幕，就系鲍起静同余香凝系屋企既对话，勾起左我呢段回忆，我记得自己听个朋友讲呢句说话既时候觉得好残忍，因为当时我仲细，唔明当中既含意。人大左，就明白有时残忍既决定同选择，都系迫不得已。

「个儍仔死左系好事黎啦，你谂下，佢阿妈根本就觉得佢系负累，如何唔系又点会放佢系私人院舍等死，佢见到自己既好朋友比个咸湿院长性侵，但又无能为力，佢咁样死左，最小唔驶下半世为自己既懦弱内疚一世，个编剧安排佢死前回忆自己最开心既一刻，都算系一种解脱啦。」

我唔知道编剧咁安排系咪有心，但我谂呢段剧情编排会令睇既人觉得个院长仆街之余，亦令人感觉到住系院舍既弱势社群，如果无外力帮助下，就算好似余香凝咁讲嗌唔好或者打肇事者都系无用，弱势既力量就系咁薄弱。

「未知他人苦，莫劝他人善。你睇下套戏结局就知啦，个主角以为自己做好事，最后成班人要搬，你认为班老人家会多谢佢，佢地只会觉得佢为左自己既名利，咩尊严公义善良，人都半只脚入左棺材，仲点会理呢d野。」

我谂编导系想观众认清一个事实，就系凡事都有后果，唔系你做一件好事，就代表结局一定好。而且，亦唔系每个人可以理解，公义同善良背后既意义系乜：人类系永远唔能够彼此了解，如果可以彼此了解，世上就唔会有战争。所谓正义同善良；只系站系卡既正反面，但我同意姜大维：人生，要做好多选择，而且识做选择既人好少，而我地唔好为自己认为对的选择而内疚。