打亲交都话MMA唔会觉得你有料，反而系凸显紧有几无知
近排唔知乜嘢原因多咗好多新闻都报导有人系街边打交，但系新闻还新闻，报导还报导，点解硬系要话人哋系街头MMA？讲出嚟究竟系劲啲吖，定系写果个真系识分乜嘢系MMA。但怨笔者直言，写得出嚟嘅人，几乎都唔知MMA系乜。系唔知头唔知路乱咁写啲嘢落去，咁真系代表你有料啲？如果你见到一部小巴撞巴士，你会唔会写佢系林宝坚尼撞波子？唔会？咁点解你系要写MMA？
！！！MMA不是一种武术！！！
首先要非常简洁又严重地提醒一件事，MMA本身根本连武术都称不上。MMA由此至终就是一种运动型式，而随著发展了一段时间，现在的MMA早就变成一种规范化的比赛，甚至对于习武者而言，MMA变得太过规范化，而又同时存在不统一的情况，例如不同赛会对于赛例上有不同的规限和理解，但总合而言还是有一个共通点：MMA本来就是一项比赛，而根本不是武术。
所以「街头混战MMA」，直译成中文就是「街头混战综合格斗」，文词不通顺，何以又可以成为报导标题？
MMA的全名是Mixed Martial Arts，中文有译为「综合武术」或「综合格斗」，意思就是指融合了多种不同的武术而产生的一种模式，而不是「一种武术」。而MMA本身是一套概念，继而演化至有比赛模式，最让MMA这种概念成名的，是美国举办的UFC「终极格斗冠军赛」。因此，如果记者们硬要说在街头上演搏击大战，说成「街头混战UFC」比起「街头混战MMA」来得合理得多。
MMA和打交的分别
这个问题同样可以用另一种概念去思考，为甚么打交要称为MMA不称为其他武术，诸如跆拳道空手道柔道合气道洪拳咏春泰拳太极呢？
我尝试代入记者谂法，以往其实都有记者钟意将「打交」换成其他武术，特别喜欢讲成系「泰拳」。点解唔系拳击唔系摔跤，要特别标明系「泰拳」呢？如果用最简单嘅谂法，系因为泰拳有齐拳脚肘膝，「好似」乜都用得，所以就讲成系泰拳。
又，咁点解依家又唔话「泰拳」，要讲成系「MMA」？我估，最大唔同系MMA有扭斗，有落地。但其实，MMA落到地都好，仍然都有一堆规则要守，唔系真系乜都用得。比如话落咗地唔会咬人，近年嘅赛例亦唔可以用脚踢落咗地嘅对手等等。所以同样，MMA只系「好似」乜都用得，实际上好多嘢都系唔用得。
同理，当街头打交，边个得闲同你讲规则？使唔使紥手带拳套？唔会架嘛。打交就系打交，扯头发系基本，但MMA唔得；有架餐可以照用，不论系手袋定系士巴拿，但MMA唔得；街头打交唔限人数，所以先会出现「大混战」，但绝大部份MMA比赛都系一个打一个，只揪只，无团战，更加无混战（除咗个别赛会有搞五打五）。咁点解街头打交又要写成系MMA呢？
滥用专有名词不代表专业
由此可见，MMA本身就系有特别指明某一种运动，而唔系打交。情况就好似一开头咁讲，交通意外，撞车，你唔识就会话撞车，详细小小可以讲系乜车撞乜车，可能系私家车撞的士，小巴撞巴士，等等。如果交通意外本身涉及一部好特别嘅车，又或者好出名嘅品牌，例如林宝坚尼，波子911等，咁你先会系报导标明「911直撞271巴士」又或者「的士小巴对头撼」之类，但系新闻嘅基本原则系报导事实，一部巴士同小巴相撞，你唔会写「私家车撞的士」，更加唔会写成「林宝坚尼撞波子」，咁点解同样只系街头打交，无规则无技术，甚至连当事人都随时唔知乜嘢系MMA，报导标题可以写成「街头MMA」？
打交就系打交，除非你好明显见到佢有用得上MMA常见技术，又或者事件主角真系学过MMA，你可以咁样去写去报。但系连交都唔识打嘅闲人，先而口角继而动武，扭埋一旧就话人哋系MMA？先唔讲呢件事系唔系太搞笑，又或者突显记者唔识字，而系连报导事实都称唔上！
打交，搏斗，扭打，混战，对打，殴斗，袭击，企图谋杀，全部都可以形容打交，系唔明点解硬系要写MMA，都唔话你中文报导系要写英文，更重要系根本上写错嘢吖嘛！唔识唔紧要，但唔好滥用一啲唔识嘅字，因为咁样其实好好笑。