一个男仔去首尔,得唔得㗎？ 首尔之旅 Day 1&2 2019-03-08/09
去完吉隆坡后,就收到国泰面试邀请，应征空中服务员，不过，最后唔成功，但公司 推荐我去in地勤，成功咗，系3月中入职，为咗预备工作，系入职前，去多次旅行，当为自己打打气.一直以黎，首尔对于女仔会比较受欢迎，韩星，化妆品，护肤品，
oppa，但对男仔就冇乜吸引力.我就好好奇，呢个地方究竟有咩玩，有咩睇，研究咗一阵，有啲地方我都有兴趣，用咗几日时间，就策划咗今次既行程.
今次既航班拣咗下午两点二十分飞机，到达首尔大概七点多啲.由首尔仁川机场出市区，主要有两种方法，一系机场快线，二系机场巴士.今次酒店拣咗弘大既Holiday Inn Express，位于弘大站上盖，可以搭机场快线普通车到达.有关今次酒店既评论，可以睇翻我上一遍既分享.
喺酒店摆低行李后，就去揾野食，韩国其中一样受欢迎既野食，就系炸鸡，其中[桥村炸鸡]深受本地人同游客欢迎.其实由朝早到而家，只系食咗飞机餐，加上黎到首尔比较涷，非常肚饿，虽然炸鸡店最少要二人份量，但我照买，睇下食唔食到.今日喺星期五，弘大既街头非常热闹，黎到桥村炸鸡都唔例外，买外卖都要等超过廿分钟，今次拣既系蜂蜜炸鸡，等咗廿分钟就迅速翻酒店食.打开炸鸡盒，份量超级多，炸鸡既炸衣厚薄适中，而且蜜糖味唔太溜，加上每件鸡细细只，食起嚟冇咁麻烦，炸鸡会附送Sparking 饮品同酸萝卜，用嚟解油腻.
Day 2 ，系酒店食咗早餐后，稍作休息，就开始今日既行程.第一站先去景福宫参观，系地铁[景福宫]站5号出口就到.景福宫系朝鲜王朝既正宫，历史悠长，而家就成为首尔既必到景观.门口光化门，大家可以见到穿著制服既士兵，大家可以同佢地影相㗎！
沿正门入去，先要买票，门票为3000圜.进入宫殿内，环境广阔，而且可以见到好多身穿韩服既人士.首先会见到 [勤政门]，呢度喺上朝既地方，大家睇韩剧都可能见到类似既景况
景福宫既面积非常大，如果一次过睇哂，可能要几个钟时间，所以可上网预先睇地图，精选参观路线，参观时间可缩短.直接喺度比大家睇下里面既环境
参观完后，就去另一个地方.仁寺洞邻近景福宫，大约十五分钟既路程，大家喺行程上可以咁安排.仁寺洞主要喺一条售卖小食，特色商品既商店街，如果想买韩国纪念品，黎呢度就最好不过.喺仁寺洞，有个地方叫[人人广场]，主要售卖小商品，例如自家制产品，饰物，旅行纪念品等，而且广场用左回转式设计，可以行哂所有店舖！
由于今日系星期六，仁寺洞人山人海，非常热闹.
行完仁寺洞后，先翻酒店休息，之后去首尔站 Lotte Mart超过扫货.卖完后接近黄昏，夜晚决定翻弘大行下，晚上既弘大非常热闹，系弘大既行人专用区，可以见到一啲小食档，售卖串烧，热食，感觉好吸引，好有风味，不过，一定要系档口前食，避免酱汁滴到周围都系.
除咗街头小食，弘大另一样受欢迎既系街头表演，今日系假期，有好多年轻人系街道唱歌跳舞，旁边好多人围观，我都凑下热闹，感受下氛气氛
最系系酒店楼下既商场，揾咗间日式西餐厅作晚饭，第二日既行程就结束
