独游吉隆坡 Day3-4 2019-01-23/24 | SimonLam 西门林

黎到吉隆坡既第三日,继续我既行程.今日特登早少少出发,去一个离市区远少少既景点.黑风洞Batu Caves,系印度教既寺庙,庙上有座巨大佛像,加上位于山洞既设计,绝对系初到吉隆坡既胜地.要黎黑风洞,可以系 KL Central站转KTM车,要注意,去黑风洞既火车班次好少,要注意开出时间,避免浪费等车时间,而且火车行驶速度颇慢,如果大家想快啲去,唯有坐的士.

大约坐咗一个钟车程,就到黑风洞,一出站,就见到好多摊档售卖纪念品,行到广场中央位置,好多人影相既,就系黑风洞既入口,未上去之前,你会见到一座黄色既下佛,攞住神像

要登上黑风洞,绝对考你既脚骨力,因为要行超过二百几级楼梯,加上天气热,少啲体力都唔得.沿住楼梯,会有好多马骝🐒,大家唔驶惊,佢哋已经见惯游客,唔会攻击,可以放心同佢哋影相.上到去,望出黎既景色好壮观,加上大佛既衬托,非常漂亮.

影完相,就正进入洞里.先同大家讲,系洞里系比较臭,因为系有鸡系里面,而且唔太干净,所以大家要注意.由于黑风洞系山里面,空间相当大,而且望上去会见到一条条既岩石.好有层次,系呢度可以听到回音.洞里亦有寺院,有僧侣参拜

睇完后,又要行番二百几级楼梯.系广场行多阵就搭火车离开.之后,就去我最期待一站,讲起吉隆坡,大家会谂起边座建筑物呢？相信好多人会答双子塔,呢座最代表吉隆坡既大厦,梗系要上去睇下啦.只要搭火车到 KLCC站就可以,一出站,大楼就系眼前,系上去之前,梗系影番张相先,系塔既前方有个广场,可以影哂塔既全身.

如果要上双子塔,必需上网预约,大概80RMB,有唔同时段拣,同其他观景塔唔之处,呢度采取一个导赏团既形式,有职员带游客上去,而且会介绍大楼,并会有特定时间参观.首先会上去两塔之间既天桥,位于56楼,呢度望落嚟已经高过邻近既建筑物.

大概十分钟后,就搭䢂上最高既86楼,望落黎就更加震撼

除左景色外,呢一层亦有展览模型,俾大家了解下双子塔与吉隆坡.参观完,就去翻塔出面既城中城公园行下,宁静一下

双子塔既行程就结束,之后,夜晚去咗一个非常出名既夜市,亚罗街夜市.呢度有唔同既餐厅,大排档,食小炒为主既地方,愈夜愈精彩,不过,我就冇喺呢度食嘢,纯粹黎感受下气氛,最后系附近既商场食,完结Day 3行程