独游吉隆坡 Day 1&2 2019-01-21/22 | SimonLam 西门林

上次去完曼谷之后,改变咗我对东南亚既感觉.黎到新一年,我既第一个旅行,都系拣东南亚既地方.除咗曼谷,吉隆坡同新加坡都系好相似既地方,两个地方都有兴趣去,上网揾咗啲资料,吉隆坡既物价较低,同台湾差唔多,加上当时预算有限,所以2019第一个旅行就拣咗吉隆坡.

吉隆坡既景点位置集中,四日三夜,甚至三日两夜都够玩,今次都系轻松为主,中午机去,傍晚机翻,唔洗太辛苦.直接进入行程,第一日12:50机前往吉隆坡,大概五点到达,到埗后,就搭机场快线 KL Express出市区,由于吉隆坡机场离市区好远,大多数人都系拣机场快线,大概40-45分钟就到KL central,今次拣既酒店位于武吉免登附近既 Swiss

Garden Hotel ,喺Imbi站附近,五分钟路程.喺吉隆坡搭铁路,可以买 Myrapid交通卡,同香港八达通一样.check in 完酒店后,稍作休息,整顿一下.

整顿好后,就准备晚餐,系酒店附近既武吉免登 Bukit Bintang系吉隆坡其中一个热门购物地,有唔同既有货公司同商场,系呢度有座Lot 10商场,里面有个十号胡同既food court,唔同种类既野食,系呢度食咗个红酒鸡肉饭,味道还可以啦.食完饭就行吓街,呢度有个商场 Pavillion,系武吉免登其中一个最热门既商场,而且咁啱邻近农历新年,商场都布满装饰,气氛相当好,系呢度行咗阵,就翻酒店休息

吉隆坡系一个华人聚集既地方,所以一定有唐人街,而吉隆坡既唐人街更加系景点之一.所以Day 2就去唐人街一带观光.系酒店去唐人街只需十分钟,吉隆坡既唐人街又称「茨厂街」,里面非常似香港既女人街,花园街,街道两旁都摆卖特色商品,而且仲有街边小食,系街既中间位罝,有档卖豆浆既铺头,一杯豆浆只需RM 1.7,之后系唐人街既尽头,附近有间非常出名既牛肉粉专门店—新九如牛肉粉,专食牛肉牛丸既铺头,午饭时间非常多人,等咗阵先有位.今次嗌咗碗牛肉牛丸河,呢碗野可以话系大碗兼抵食,只需廿零蚊港纸.