体验国泰航空贵宾室玉衡堂The Pier（Asia Miles积分）

2019年,其中一件事令我最开心既系,可以不停咁飞,因为做兼职,然后入左国泰做地勤,经常抽到时间去旅行.而且经常坐国泰,储下飞行里数,经过几次旅程,储左超过一万里数,本身念住储够两万里数,换张来回机票,但系有一日系网站见到可以用9000 miles

换国泰贵宾室入场券,于是心郁郁,最后换咗一张,留翻去台北个日用.

入国泰贵宾室需要一啲资格,商务贵宾室,入场资格：商务舱乘客/马可孛罗会银卡或以上会员/寰宇一家蓝宝石以上级别,头等贵宾室入场资格：头等舱乘客/马可孛罗会钻石卡/寰宇一家绿宝石会员.仲有一个方法,如果你系马可孛罗会绿卡会员,可以用9000 分miles换领一次贵宾室入场券.

系香港机场,国泰分别有四个商务及两个头等贵宾室,包括：寰宇堂（商务/头等）贵宾室邻近3号闸口,玉衡堂（商务/头等）贵宾室邻近65闸口,玲珑堂邻近8号闸口,逸连堂,邻近36号闸口,当中玉衡堂既面积系最大,所以我就换咗玉衡堂既入场券.

当日朝早,我本应搭朝早十点半机,但我提早咗超过三个钟到机场,check in 完后即系去贵宾室体验下.第一次入Lounge,梗系影张相先

玉衡堂既设计,主要用左木系颜色,比较暖和舒适.入面分咗几个区,休息区,自助餐区,即煮区,品茶区,淋浴间.黎到第一时间,食左早餐先,系自助餐区攞左啲西式野食,旁边有个饮品区,有汽水果汁牛奶等,我就倒咗杯苹果汁.不过味道唔好抱太大期望,正正常常就可以,系呢度环境比较安静,有好多商务客工作,所以大家系呢度要保持声量