獨遊曼谷 Last Day (05-12-2018)

黎到最後一日，基本上係冇乜行程，坐17:30飛機.但係，係check out之前，去一間超級推介既芒果糯米飯，相信好多香港人都知道係邊間，就係Mar Varee，呢間位於BTS thong lor站，3號出口，街口轉左既芒果店.主要售賣新鮮芒果同即整芒果糯米飯，不過可以太受遊客歡迎，價錢唔算平.係呢度買左三盒芒果糯米飯同幾個芒果，建議朝早黎，比較少用，同埋安排離開曼谷個日買，因為芒果好快熟，翻到香港第二日就可以食，而糯米飯可以先雪起，然後第二日淨係蒸翻糯米飯就可以！

大約十二點就check out，然後食飯，差唔多一點，就搭的士去機場，黎到曼谷機場，有點要注意，最好預多少少時間去機場，曼谷機場過關非常嚴謹，鞋都要除，而且保安嚴密，過關需時長.成功過左後，時間尚早，去食少少野，係離境後都有唔同餐廳選擇，今次就揀咗間泰式餐廳，叫咗碗豬頸肉麵，青檸梳打，味道可以，食完野，就預備上機，離開曼谷，今次既旅程，令我認識曼谷呢個地方，下次一定再黎！