独游曼谷 Day3 （04-12-2018）

黎到第三日,今日行程主要系曼谷市中心,最繁忙既地段游走.Siam（暹罗）区系曼谷最主要商场，百货公司既集中地.今日晏就，黎到其中一个商场Central World行下，食下野，呢个商场曾经系东南亚最大商场，云集百货公司伊势丹，而且邻近BTS chit lom站.

黎到商场，可以七楼既美食街，全层都系食，包括餐厅同Food court.行咗一阵，见到有间Mango Tree既餐厅，食泰式西餐既店铺，行门口睇左一阵，职员都有介绍餐牌，睇左一阵就决定食呢间.黎到曼谷第三日，想食下西式野，叫左份牛扒配泰式辣汁，白饭加可乐，等左十五分钟，野食终于到，卖相吸引，牛扒份量算多，不过旁边既辣汁就唔太适合我口味，味道太呛太辣！整体黎讲，呢间餐厅CP值唔错

食完饭，再系Central world行多阵，然后去睇下泰国人其中一个最信仰既神，四面神(佛)，虽然我唔系泰国人，对神佛不大兴趣，但一场黎到，都要睇一睇.虽然系平日，但四面佛仍然好多人，除左四面佛，旁边都有舞者跳舞.四面神虽然可说是景点，但也要注要礼仪，不应狂拍照，理应入乡随俗，参拜一下，再影相，才尊重神像

行完四面佛，之后既活动，就最期待既买手信环节.大家去曼谷，通常都系去Big C扫货，Big C系一间非常大既超级市场，除左一般超市物品，仲有游客最爱食品，例如:紫菜，鱿鱼干，泰式奶茶包等等，黎得呢度，大家都大手入货，买到成车都系，位于central world 对面既Bigc系最受游客欢迎既，如去曼谷，必定黎呢间

血拼一轮后，先翻酒店休息下，夜晚出发去一个必去既夜市.接差达火车夜市系其中一个非常受游客欢迎既夜市，交通方面，可以搭MRT到Thailand Cultural Centre,3号出口，然后穿过一座商场，就到夜市，大约七点到夜市，己经非常多人.夜市面积相当大，有小食档，餐厅档，亁货区，酒吧.系度行咗一阵，食咗啲小食.

黎呢个夜市，有超靓影相位.系夜市旁边有个停车场，上到最高，望向夜市，你会见五颜六色既帐篷，连埋一齐，超级靓，唔知点解，望到呢个位，有啲感动

系度留左阵，就翻去休息，听日就翻香港了！