獨遊曼谷 Day3 （04-12-2018）

黎到第三日,今日行程主要係曼谷市中心,最繁忙既地段遊走.Siam（暹羅）區係曼谷最主要商場，百貨公司既集中地.今日晏就，黎到其中一個商場Central World行下，食下野，呢個商場曾經係東南亞最大商場，雲集百貨公司伊勢丹，而且鄰近BTS chit lom站.

黎到商場，可以七樓既美食街，全層都係食，包括餐廳同Food court.行咗一陣，見到有間Mango Tree既餐廳，食泰式西餐既店鋪，行門口睇左一陣，職員都有介紹餐牌，睇左一陣就決定食呢間.黎到曼谷第三日，想食下西式野，叫左份牛扒配泰式辣汁，白飯加可樂，等左十五分鐘，野食終於到，賣相吸引，牛扒份量算多，不過旁邊既辣汁就唔太適合我口味，味道太嗆太辣！整體黎講，呢間餐廳CP值唔錯

食完飯，再係Central world行多陣，然後去睇下泰國人其中一個最信仰既神，四面神(佛)，雖然我唔係泰國人，對神佛不大興趣，但一場黎到，都要睇一睇.雖然係平日，但四面佛仍然好多人，除左四面佛，旁邊都有舞者跳舞.四面神雖然可說是景點，但也要注要禮儀，不應狂拍照，理應入鄉隨俗，參拜一下，再影相，才尊重神像

行完四面佛，之後既活動，就最期待既買手信環節.大家去曼谷，通常都係去Big C掃貨，Big C係一間非常大既超級市場，除左一般超市物品，仲有遊客最愛食品，例如:紫菜，魷魚干，泰式奶茶包等等，黎得呢度，大家都大手入貨，買到成車都係，位於central world 對面既Bigc係最受遊客歡迎既，如去曼谷，必定黎呢間

血拼一輪後，先翻酒店休息下，夜晚出發去一個必去既夜市.接差達火車夜市係其中一個非常受遊客歡迎既夜市，交通方面，可以搭MRT到Thailand Cultural Centre,3號出口，然後穿過一座商場，就到夜市，大約七點到夜市，己經非常多人.夜市面積相當大，有小食檔，餐廳檔，亁貨區，酒吧.係度行咗一陣，食咗啲小食.

黎呢個夜市，有超靚影相位.係夜市旁邊有個停車場，上到最高，望向夜市，你會見五顏六色既帳篷，連埋一齊，超級靚，唔知點解，望到呢個位，有啲感動

係度留左陣，就翻去休息，聽日就翻香港了！