独游曼谷 Day2 (03-12-2018)

黎到Day2 ，今日非常好天，风和日丽，如果大家秋冬天黎曼谷，唔需要担心天气，基本上呢段时间系唔会落雨.讲翻行程，今日一早起身，早餐都冇食，就出发去大皇宫同卧佛寺，呢两个地方，可以话系第一次去曼谷，必去既地方.去大皇宫有两点要注意，第一，大皇宫既开放时间系比较短，下午两三点就关门，所以一定要一早就去，另外，由于皇宫地方，衣著要遵守，不可随便，背心短裤拖鞋，较暴露既衣著都唔得，所以最简单就是T恤长裤就可以.

去大皇宫既交通方式，可以先坐BTS到Saphan Taksin站，前往沙吞码头，然后再坐橙色旗既船，到N9 Tha Chang落船，沿指示前往大皇宫

大皇宫主要由金色建筑风格，突显皇宫既气派，入黎大皇宫前，最好自备饮用水，因为皇宫面积非常大，而且太阳猛烈，都颇辛苦，所以一定要饮水.入到皇宫，真系每座建筑都想影相，而且外型独特，而且人群涌涌，难怪呢度成为国际有名既景点，如果普通行加影相，最少要一个钟，所以最好朝过嚟，以免影响其后行程.

行完大皇宫后，就行去卧佛寺，由大皇宫行去大约十五分钟左右，去到卧佛寺，买完要，紧记用票尾去攞免费冰水.入去卧佛前，要除鞋，旁人会有胶袋攞，用黎装鞋，攞埋去参观，避免有人偷鞋.卧佛，即系一座打侧躺下既佛像，非常大，而且距离好近，要揾位影哂全身都有啲难度.

参观完卧佛，就准备离开，坐船离开，回程时，可以见到一个巨型商场iconsiam，不过今次就冇plan去.

饿左成朝，要食野喇.黎曼谷，行商场可以话系一个行程，因为曼谷商场又大，又有特色，今次拣左位于Asok区既Terminal 21，呢个商场，最特别既，系每一层都用左一个国家城市做主题，例如:东京，罗马，巴黎，伦敦，伊斯坦堡，三藩市.不过，唔系每一层代表佢卖果个地方既野，例如:东京个层卖女装，伦敦层卖男装.

除左呢啲牌之外，每一层都会摆放一啲同呢个地方有关既摆设，好似呢啲咁

讲翻食嘢，黎呢个商场食嘢，cp值最高一定系去Pier21 food court，呢个可以话系全曼谷最平既food court.泰国既food court，通常要买张储值咭，入钱先可以买野食，既方便又卫生，而且唔洗怕找钱既麻烦！呢度有唔同既选择，有泰式，汤面，两𩠌饭，饮品店，连芒果糯米饭都有，我饿左成朝，买左几样野食，都只系200THB

食完野，再行多阵，就翻酒店休息，等夜晚再出动.黎曼谷，除左行商场，夜市都必去既地方，今晚就选择左酒店附近既NEON城中霓虹夜市，呢个夜市位于水门市场附近，一入去，果然同佢嘅名一样，有霓虹招牌，俾人打下卡，呢个夜市面积唔算大，不过胜在买野食野选择多，我就拣左几间小食档，食完行多阵，就行哂成个夜市，而今日行程都结束了！