獨遊曼谷 Day2 (03-12-2018)

黎到Day2 ，今日非常好天，風和日麗，如果大家秋冬天黎曼谷，唔需要擔心天氣，基本上呢段時間係唔會落雨.講翻行程，今日一早起身，早餐都冇食，就出發去大皇宮同卧佛寺，呢兩個地方，可以話係第一次去曼谷，必去既地方.去大皇宮有兩點要注意，第一，大皇宮既開放時間係比較短，下午兩三點就關門，所以一定要一早就去，另外，由於皇宮地方，衣著要遵守，不可隨便，背心短褲拖鞋，較暴露既衣著都唔得，所以最簡單就是T恤長褲就可以.

去大皇宮既交通方式，可以先坐BTS到Saphan Taksin站，前往沙吞碼頭，然後再坐橙色旗既船，到N9 Tha Chang落船，沿指示前往大皇宮

大皇宮主要由金色建築風格，突顯皇宮既氣派，入黎大皇宮前，最好自備飲用水，因為皇宮面積非常大，而且太陽猛烈，都頗辛苦，所以一定要飲水.入到皇宮，真係每座建築都想影相，而且外型獨特，而且人群湧湧，難怪呢度成為國際有名既景點，如果普通行加影相，最少要一個鐘，所以最好朝過嚟，以免影響其後行程.

行完大皇宮後，就行去卧佛寺，由大皇宮行去大約十五分鐘左右，去到卧佛寺，買完要，緊記用票尾去攞免費冰水.入去卧佛前，要除鞋，旁人會有膠袋攞，用黎裝鞋，攞埋去參觀，避免有人偷鞋.卧佛，即係一座打側躺下既佛像，非常大，而且距離好近，要揾位影哂全身都有啲難度.

參觀完卧佛，就準備離開，坐船離開，回程時，可以見到一個巨型商場iconsiam，不過今次就冇plan去.

餓左成朝，要食野喇.黎曼谷，行商場可以話係一個行程，因為曼谷商場又大，又有特色，今次揀左位於Asok區既Terminal 21，呢個商場，最特別既，係每一層都用左一個國家城市做主題，例如:東京，羅馬，巴黎，倫敦，伊斯坦堡，三藩市.不過，唔係每一層代表佢賣果個地方既野，例如:東京個層賣女裝，倫敦層賣男裝.

除左呢啲牌之外，每一層都會擺放一啲同呢個地方有關既擺設，好似呢啲咁

講翻食嘢，黎呢個商場食嘢，cp值最高一定係去Pier21 food court，呢個可以話係全曼谷最平既food court.泰國既food court，通常要買張儲值咭，入錢先可以買野食，既方便又衛生，而且唔洗怕找錢既麻煩！呢度有唔同既選擇，有泰式，湯麵，兩餸飯，飲品店，連芒果糯米飯都有，我餓左成朝，買左幾樣野食，都只係200THB

食完野，再行多陣，就翻酒店休息，等夜晚再出動.黎曼谷，除左行商場，夜市都必去既地方，今晚就選擇左酒店附近既NEON城中霓虹夜市，呢個夜市位於水門市場附近，一入去，果然同佢嘅名一樣，有霓虹招牌，俾人打下卡，呢個夜市面積唔算大，不過勝在買野食野選擇多，我就揀左幾間小食檔，食完行多陣，就行哂成個夜市，而今日行程都結束了！