独游曼谷 Day1 （02-12-2018）

几个月之前,开始咗我既独游生涯,台北就成为我既第一个目的地！去完之后，睇黎翻唔到转头，系时候又要再出发，今次去边到好呢？话说，香港人去旅行，头三位目的地，通常系台湾，日本，泰国，我自己未去过泰国，所有上网揾吓呢个地有咩玩.我自己有个习惯，如果决定咗去某个地方旅行，我通常要了解下有咩分区，大概知边到打边到，其次系交通，了解点样搭车，之后睇住宿区域，最后先决定行程(食玩买)

独游我通常会拣城市为主，比较安全，交通方便.曼谷作为泰国主要城市，一定有好多正野，令呢个地方咁受港人欢迎，就系咁，我就决定去曼谷四日三夜！

 

2018年12月2日，朝早起身，又准备去机场，今次搭早上十点机，去到曼谷都系中午时间，可以当一日黎玩.几个钟后，就到曼谷新机场，好多人黎到曼谷机场，最惊就系入境时太耐，随时排成个钟，不过，如果你系有香港护照，系可以用e道过关，只需30秒，就过到，连同飞机上填既入境卡，俾职员检查，就可以过关.

 

曼谷机场出市区，主要有两种方法，机场快线同的的士，我今次拣咗机场快线，由曼谷机场去Payata 站，再转一个站，就到酒店，不过，今次拣间酒店就比较伏，而且离BTS站要行成十分钟，所以今次唔介绍间酒店，直接进入行程.

由于时间尚早，未到check in时间，放低行李，立即去第一个地方，翟道翟周末市集(JJ Market)，可以搭BTS到Mo Chit站，或者再转搭Mrt到Kamphaeng Phet站2号出口，就系市集入口.记住搭BTS同MRT前，买张交通卡，会方便得多.大约搭左半个钟，就到左翟道翟，由于呢个市集只会系星期六日先开，所以必定多人.首先比张地图大家睇

呢个就JJ market既地图，系非常大，差唔多等于几个足球场，所以，黎之前，一定要上网睇，了解下边个区买啲咩野，如果唔系，只会用哂你啲脚力.如果想容易啲行，可以先行一圈，睇下有咩买，有咩食，其实市集比较热门既产品，都系系中间路上两旁，其实净系围绕咁行，起码睇成两个钟，睇到咁上下，可以由唔同区既路穿插，慢慢睇，慢慢行，而且里面系有盖，顺便凉一凉！

行咗一阵，要医吓肚，呢度有间鸭腿面，网上都有好多人推介，去到个阵，啱啱好有位坐，坐低左，嗌左碗招牌鸭腿面加泰式奶茶，好快就黎左，面既份量唔多，但有只大鸭腿，非常念，而且有旧萝卜，索哂啲汁，正呀.

食完碗面，继续行，系呢个市集，随时都可以见到香港人.钟意Shopping既香港人，黎到呢度小心会破产，但真系好平，好难叫人忍手唔买.行完之后，翻酒店check in ，今日朝早起身，再搭飞机，黎到曼谷，再去埋市集，已经好攰，加上胃口不大，所有晚餐食少少就算，黎泰国，有样小食叫飞碟，即系焗多士，系便利店好易揾到，买左两个黎食，当晚餐，就咁完左第一日，听日继续！