獨遊曼谷 Day1 （02-12-2018）

幾個月之前,開始咗我既獨遊生涯,台北就成為我既第一個目的地！去完之後，睇黎翻唔到轉頭，係時候又要再出發，今次去邊到好呢？話說，香港人去旅行，頭三位目的地，通常係台灣，日本，泰國，我自己未去過泰國，所有上網揾吓呢個地有咩玩.我自己有個習慣，如果決定咗去某個地方旅行，我通常要了解下有咩分區，大概知邊到打邊到，其次係交通，了解點樣搭車，之後睇住宿區域，最後先決定行程(食玩買)

獨遊我通常會揀城市為主，比較安全，交通方便.曼谷作為泰國主要城市，一定有好多正野，令呢個地方咁受港人歡迎，就係咁，我就決定去曼谷四日三夜！

2018年12月2日，朝早起身，又準備去機場，今次搭早上十點機，去到曼谷都係中午時間，可以當一日黎玩.幾個鐘後，就到曼谷新機場，好多人黎到曼谷機場，最驚就係入境時太耐，隨時排成個鐘，不過，如果你係有香港護照，係可以用e道過關，只需30秒，就過到，連同飛機上填既入境卡，俾職員檢查，就可以過關.

曼谷機場出市區，主要有兩種方法，機場快綫同的的士，我今次揀咗機場快綫，由曼谷機場去Payata 站，再轉一個站，就到酒店，不過，今次揀間酒店就比較伏，而且離BTS站要行成十分鐘，所以今次唔介紹間酒店，直接進入行程.

由於時間尚早，未到check in時間，放低行李，立即去第一個地方，翟道翟週末市集(JJ Market)，可以搭BTS到Mo Chit站，或者再轉搭Mrt到Kamphaeng Phet站2號出口，就係市集入口.記住搭BTS同MRT前，買張交通卡，會方便得多.大約搭左半個鐘，就到左翟道翟，由於呢個市集只會係星期六日先開，所以必定多人.首先比張地圖大家睇

呢個就JJ market既地圖，係非常大，差唔多等於幾個足球場，所以，黎之前，一定要上網睇，了解下邊個區買啲咩野，如果唔係，只會用哂你啲腳力.如果想容易啲行，可以先行一圈，睇下有咩買，有咩食，其實市集比較熱門既產品，都係係中間路上兩旁，其實淨係圍繞咁行，起碼睇成兩個鐘，睇到咁上下，可以由唔同區既路穿插，慢慢睇，慢慢行，而且裡面係有蓋，順便涼一涼！

行咗一陣，要醫吓肚，呢度有間鴨腿麵，網上都有好多人推介，去到個陣，啱啱好有位坐，坐低左，嗌左碗招牌鴨腿麵加泰式奶茶，好快就黎左，麵既份量唔多，但有隻大鴨腿，非常唸，而且有舊蘿蔔，索哂啲汁，正呀.

食完碗麵，繼續行，係呢個市集，隨時都可以見到香港人.鐘意Shopping既香港人，黎到呢度小心會破產，但真係好平，好難叫人忍手唔買.行完之後，翻酒店check in ，今日朝早起身，再搭飛機，黎到曼谷，再去埋市集，已經好攰，加上胃口不大，所有晚餐食少少就算，黎泰國，有樣小食叫飛碟，即係焗多士，係便利店好易搵到，買左兩個黎食，當晚餐，就咁完左第一日，聽日繼續！