独游之旅~台北Last Day

黎到最后一日，行程非常简单，游览台北车站，呢个台北最重要既交通枢纽，当然唔单止车站咁简单，仲系买手信，餐厅云集，购买既好地方.黎到台北车站既第一件事，就系行李寄存，我会推介大家去车站旁既行李寄放中心，地方大，而且够平，只要提供取回行李既时间，就可以寄放！讲翻台北车站，外型好似宫殿一样，最特别既系，车站大堂地下系可以坐，俾大家hea下！

又到午饭时间，车站二楼有好唔同种类既餐厅，日式，日式，中式都有，仲有food court，今次系food court拣左间焗饭，味道都可以.

食完饭，系车站行多阵，就准备去机场，黎个时系搭机场客运，今次就调翻转，坐机场捷运，捷运比客运快，而且搭客运担心塞车.台北车站最底层系机捷站，列车有分普通车及直达车，如果去机场，一定系拣直达车，会快好多！大概四十分钟，就到桃园机场第一航厦，准备去check in

黎到机场，check in完，就正式向台北say goodbye，走之前，仲有一件事，就系搭国泰航空既A350客机，呢间机系最新型号，座位新净，而且电视萤幕大，食埋呢餐飞机餐，代表台北之旅正式结束！下个trip再见